[ad id=”66258″]
بقلم /مى يوسف
ﻣﺮﺍﺗﻚ ﻧﻜﺪﻳﻪ ﺍﻧﺎ ﻋﺎﺭفه
..
ﻭ ﻣﺒﻬﺪﻟﻪ ﻓﻰ ﺭﻭﺣﻬﺎ ﻭ ﺍﻟﻠﻪ ﺍﻟﻌﻈﻴﻢ ﻣﺼﺪﻗك
..
ﻭﻃﻮﻝ ﺍﻟﻨﻬﺎﺭ ﻋﻤﺎﻟﻪ ﺗﺠﻌﺮ ﻓﻰ ﺍﻟﻌﻴﺎﻝ ﻭﺍﻣﻪ ﻻ ﺍﻟﻪ ﺍﻻ ﺍﻟﻠﻪ ﺳﺎﻣﻌﻪ ﺻﻮﺗﻬﺎ ﺻﻮﺗﻬﺎ ﻭﺍﺻﻠﻨﻰ ﻟﺤﺪ ﻫﻨﺎ . .. ﺑﺲ ﺍﻧﺎ هسألك ﻛﺎﻡ ﺳﺆﺍﻝ ﻋﻠﻰ ﺍﻟﻤﺎﺷﻰ . . ؟؟؟
ﻣﺶ ﻣﺮﺍﺗﻚ ﺩﻯ ﻫﻰ ﻧﻔﺴﻬﺎ ﺍﻟﻠﻰ ﻛﻨﺖ هتموت ﻧﻔﺴﻚ ﻋﻠﺸﺎﻥ ﺗﺘﺠﻮﺯﻫﺎ ﻓﺎﻛﺮ ﻟﻤﺎ ﻛﻨﺖ ﺑﺘﺘﺨﺎﻧﻖ ﻣﻊ ﻣﺎﻣﺘﻚ ﻋﻠﺸﺎﻥ ﻣﺼﻤﻤﻪ ﺗﺠﻮﺯﻙ ﺑﻨﺖ ﺍﺧﺘﻬﺎ ﻭ ﻧﺸﻔﺖ ﺩﻣﺎﻏﻚ ﻳﺎ ﻣﺮﺍﺗﻚ ﻳﺎ ﺑﻼﺵ ﻣﺎﻫﻰ ﻧﻔﺲ ﺍﻟﺴﺖ ﺍﻳﻪ ﺍﻟﻠﻰ ﺟﺮﻯ ﻳﺎ ﺭﺍﺟﻞ ﻳﺎ ﻃﻴﺐ .. ؟؟؟؟
ﻃﻴﺐ ﻓﺎﻛﺮ ﻟﻤﺎ ﻛﻨﺖ ﺑﺘﺮﻏﻰ ﻣﻌﺎﻫﺎ ﺑﺎﻟﺴﺎﻋﺎﺕ ﻓﻰ ﺍﻟﺘﻠﻴﻔﻮﻥ ﻭ ﺗﺒﻘﻰ ﻣﺰﻗﻄﻂ ﺍﻧﻬﺎ ﺑﺘﻜﻠﻤﻚ ﻃﻴﺐ ﺑﺘﺎﻛﻞ ﺳﺪ ﺍﻟﺤﻨﻚ ﻟﻴﻪ ﺍﻭﻝ ﻣﺎ ﺗﺪﺧﻞ ﻣﻦ ﺑﺎﺏ ﺍﻟﺸﻘﻪ ﻭ ﺗﻬﺰ ﺭﺍﺳﻚ ﻛﻞ ﻣﺎ ﺗﻜﻠﻤﻚ ﻣﺎﻫﻰ ﻧﻔﺲ ﺍﻟﺒﻨﻰ ﺍﺩﻡ ﺍﻳﻪ ﺍﻟﻠﻰ ﺟﺮﻯ .. ﻃﺐ ﺑﺬﻣﺘﻚ ﻳﺎ ﺷﻴﺦ ﻣﺶ ﻛﻨﺖ ﻫﺘﻤﻮﺕ ﻣﻦ ﺍﻟﻔﺮﺣﻪ ﻭ ﺍﻧﺖ ﺑﺘﺮﻗﺺ ﻣﻌﺎﻫﺎ ﻳﻮﻡ ﺍﻟﻔﺮﺡ ﻋﻠﺸﺎﻥ ﺍﺧﻴﺮﺍ ﺭﺑﻨﺎ ﺣﻘﻖ ﺣﻠﻤﻚ ﺍﻭﻣﺎﻝ ﻣﺶ ﻃﺎﻳﻖ ﺗﺒﺺ ﻓﻰ ﻭﺷﻬﺎ ﻟﻴﻪ ﻣﺎﻫﻮ ﻧﻔﺲ ﺍﻟﻮﺵ . ..
ﺍﻧﺎ ﺳامعك ﻭ ﺍﻧﺖ ﺑﺘﻘﻮﻝ ﻛﻨﺖ ﻣﺠﻨﻮﻥ ﻻﻧﻬﺎ ﺍﺗﻐﻴﺮﺕ ﻭ ﺑﺎﻧﺖ ﻋﻠﻰ ﺣﻘﻴﻘﺘﻬﺎ ﺑبوﺯ ﺍﻟﻨﻜﺪ ﺑﺲ ﺍﻟﺤﻘﻴﻘﻪ ﺍﻧﻬﺎ ﻣﺎ ﺍﺗﻐﻴﺮﺗﺶ ……..
[ad id=”1177″]
ﺍﻧﺖ ﺍﻟﻠﻰ ﻏﻴﺮﺗﻬﺎ ﻗﻠﺒﺘﻬﺎ ﻣﻦ ﺍﻟﺒﻨﺖ ﺍﻟﺮﻗﻴﻘﻪ ﺍﻟﻌﺴﻮﻟﻪ ﺍﻡ ﺩﻡ ﺧﻔﻴﻒ ﻟﺨﺎﻟﺘﻰ ﺍﻃﺎﻃﺎ ﻏﻴﺮﺗﻬﺎ ﺑﺠﻤﻮﺩﻳﻪ ﻗﻠﺒﻚ ﻭ ﺗﺮﻳﻘﺘﻚ ﻋﻠﻴﻬﺎ ﻭ ﺍﻟﺤﻤﻞ ﺍﻟﻠﻰ ﺭﻣﻴﺘﻪ ﻋﻠﻰ ﻛﺘﺎﻓﻬﺎ ﺑﻌﺪ ﻣﺎ ﻗﻮﻟﺘﻠﻬﺎ ﻛﻞ ﺍﻟﺴﺘﺎﺕ ﺑﺘﻌﻤﻞ ﺍﻛﺘﺮ ﻣﻨﻚ ﻟﻤﺎ ﻣﺎ ﺳﻤﻌﺘﺶ ﺷﻜﻮﺗﻬﺎ ﻭ ﻫﺎﻧﺖ ﻋﻠﻴﻚ ﺩﻣﻮﻋﻬﺎ . .. ﺍﻗﻮﻟﻚ ﺟﺮﺏ ﺗﺘﻐﻴﺮ ﻭ ﺷﻮﻑ ﺍﻳﻪ ﺍﻟﻠﻰ ﻫﻴﺤﺼﻞ ﻣﺘﺘﺮﻳﻘﺶ ﻋﻠﻰ ﺑﻄﻨﻬﺎ ﺍﻟﻠﻰ ﻛﺒﺮﺕ ﺩﻯ ﻭﺍﻟﺪﻩ ﻣﺮﺗﻴﻦ ﻗﻴﺼﺮﻯ ﻳﺎ ﻣﻔﺘﺮﻯ ﻭ ﺍﻧﺖ ﺑﺘﺎﻛﻞ ﻣﺤﺸﻰ ﺍﻟﻜﺮﻧﺐ ﺑﺘﺒﻘﻰ ﺯﻯ ﺧﺰﺍﻥ ﺍﻟﻤﻴﻪ .. ﺑﻼﺵ ﻭ ﺍﻧﺖ ﺑﺘﺘﻔﺮﺝ ﻋﻠﻰ ﺍﻟﺘﻠﻔﺰﻳﻮﻥ ﺗﻘﻮﻟﻬﺎ ﺍﺩﻯ ﺍﻟﺴﺘﺎﺕ ﻭ ﻻ ﺑﻼﺵ . . ﺍﻟﺴﺘﺎﺕ ﺍﻟﻠﻰ ﻓﻰ ﺍﻟﺘﻠﻔﺰﻳﻮﻥ ﻣﺶ ﺑﺘﻨﺎﻭﻝ ﻧﻔﺴﻬﺎ ﻛﻮﺑﺎﻳﻪ ﻣﻴﻪ ﻭ ﻣﺮﺍﺗﻚ ﻭ ﻻ ﺍﻟﻔﻠﻴﺒﻴﻨﻴﻪ . .
ﻭ ﺑﻌﺪﻳﻦ ﻣﺎ ﺍﻧﺖ ﻛﻤﺎﻥ ﻛﺮﺷﺖ ﻭ ﺍﻗﺮﻋﻴﺖ ﻭ ﺑﻘﻰ ﺷﻜﻠﻚ ﻋﺠﻴﺐ ﺑﺲ ﻫﻰ ﺑﺘﺤﺒﻚ ﺯﻯ ﻣﺎ ﺍﻧﺖ ﻭ ﻣﺶ ﺷﺎﻳﻔﻪ ﻏﻴﺮﻙ . .
ﻗﻮﻟﻬﺎ ﻭ ﺍﻟﻠﻪ ﻭﺷﻚ ﺍﺣﻠﻮ ﻟﻤﺎ ﺯﺩﺗﻰ ﻋﺎﻭﺯﻳﻦ ﻧﻌﻤﻞ ﺭﺟﻴﻢ .. ﻗﻮﻟﻬﺎ ﺻﺒﺎﺡ ﺍﻟﺨﻴﺮ ﺍﻟﺼﺒﺢ ﻭ ﺗﺼﺒﺤﻰ ﻋﻠﻰ ﺧﻴﺮ ﻭ ﻓﻰ ﻧﺺ ﺍﻟﻴﻮﻡ ﺍﺧﺒﺎﺭﻙ ﺍﻳﻪ . .
ﺑﻼﺵ ﻃﻠﺒﺎﺕ ﻣﺘﺤﺒﻜﻬﺎﺵ ﻭ ﺗﻌﻤﻞ ﺧﻨﺎﻗﻪ ﺍﻟﺒﺲ ﺍﻟﻠﻰ ﺗﻼﻗﻴﻪ ﻓﻰ ﺍﻟﺪﺭﺝ ﻟﻮ ﻭﻻﺩﻙ ﺑﻴﺒﻴﻬﺎﺕ ﺷﻴﻠﻬﻢ ﺣﺘﻰ ﻟﻮ ﺑﻴﻌﻴﻄﻮﺍ ﻭ ﻟﻮ ﻓﻰ ﻣﺪﺍﺭﺱ ﺫﺍﻛﺮ ﻟﻬﻢ ﻭ ﻭﺭﻳﻨﻰ ﺟﺪﻋﺘﻨﻚ ﺍﻧﻚ ﻣﺘﺰﻋﻘﺶ ﻟﻤﺎ ﺗﻼﻗﻰ ﺍﻟﻐﺒﺎﻭﺓ ﻣﻌﺒﻴﻪ ﺑﺮﺍﻣﻴﻞ . . ﻃﺒﻄﺐ ﻋﻠﻴﻬﺎ ﺍﻟﺴﺘﺎﺕ ﺑﺘﺤﺐ ﺍﻟﻄﺒﻄﺒﻪ ﻗﻮﻟﻬﺎ ﺑﺤﺒﻚ ﻫﻰ ﻫﺒﻠﻪ ﻭ ﺑﺘﺼﺪﻕ .. ﺍﻟﻮﺭﺩﻩ ﺏ 3 ﺟﻨﻴﻪ ﻫﺎﺗﻠﻬﺎ ﻭﺭﺩﻩ ﻣﺮﻩ ﻓﻰ ﺍﻻﺳﺒﻮﻉ ﺍﺣﺘﻤﺎﻝ ﻛﺒﻴﺮ ﺗﺠﻴﻠﻬﺎ ﺳﻜﺘﻪ ﻗﻠﺒﻴﻪ ﻭ ﺗﺨﻠﺺ ﻣﻨﻬﺎ ﺑﻄﺮﻳﻘﻪ ﻣﻔﻴﻬﺎﺵ ﺷﺒﻬﺎﺕ ﺍﻓﺘﻜﺮ ﺟﺪﻋﻨﺘﻬﺎ ﻭ ﻭقفتها ﺟﻨﺒﻚ .. ﺑﺺ ﻟﺒﻨﺘﻚ ﻭﺍﻋﺮﻑ ﺍﻧﻬﺎ ﻓﻰ ﻳﻮﻡ ﺣﺘﺒﻘﻰ ﻓﻰ ﺑﻴﺖ ﺭﺍﺟﻞ ﺗﺎﻧﻰ ﻳﻌﻤﻞ ﻓﻴﻬﺎ ﺍﻟﻠﻰ ﺍﻧﺖ ﺑﺘﻌﻤﻠﻪ ﻓﻰ ﻣﺮﺍﺗﻚ .. ﺯﻋﻠﺖ ﺻﺢ ﻣﻬﺎﻧﺘﺶ ﻋﻠﻴﻚ ﺑﻨﺘﻚ .. ﺟﺮﺏ ﺗﺘﻐﻴﺮ . .
ﻋﺎﺭﻑ ﻫﺘﺮﺟﻊ ﺯﻯ ﻣﺎ ﻛﺎﻧﺖ ﻭ ﺍﺣﺴﻦ ﻭ ﺣﺘﺘﻤﻨﺎﻟﻚ ﺍﻟﺮﺿﻰ ﺗﺮﺿﻰ ﻭ ﺍﻋﺮﻑ ﺍﻥ ﺳﻴﺪ ﺍﻟﺨﻠﻖ ﻗﺎﻝ ﻣﺎ ﺍﻛﺮﻣﻬﻦ ﺍﻻ ﻛﺮﻳﻢ ﻭ ﻣﺎ ﺍﻫﺎﻧﻬﻦ ﺍﻻ ﻟﺌﻴﻢ وخليك فاكر ديما انه انت الراجل يعنى المفروض انت اللى تتحمل وانت المسؤول عن جمالها او عن تعاستها خليك قد المسؤوليه يا راجل يا طيب … دول اغلب من الغلب حتى لو لسانها قدامها مترين بس برضه في الاول وف الاخر اغلب من الغلب وخليك فاكر ديما ان الحيااة هاات وخد خد حنان هات اهتمام ، خد حرية هات ثقة ، خد اهتمام هات حب ،خد دلع هات تقدير ،خد شكر هات مفاجأت ……. ولا انت فاكر انها هتديك حنان ودلع وإهتمام ببلاش اصلها مش مكنه تدوس عليها تطلعلك قماش دي إنسانه محتاجه تاخد عشان تقدر تدي
