[ad id=”66258″]
مبقتش أخاف .. غير لما أحس .. انك بعيد
وخطوط فراقنا .. في عز مابنشتاق .. تزيد
والدنيا تلعب بيك وبيا وينكسر بينا الطريق
يا كل حاجة عشقتها .. في سنين حياتي
مبقتش أخاف منك ولا .. من ذكرياتي
لكن بخاف .. وأنا باتخنق بحبال سكاتي
لما بشوفك تنجرح .. ودواك معايا
يا أقرب الناس اللى عرفتهم عنية
حبك قدر معرفش ليه يتغيب عليا
أي احتمال … لفراقنا بعد القرب لأه
أي كلمة .. غير بحبك من شفايفك .. بردو لأه
ما انت اللي صار حبك وطن قلبي الوحيد
وحياة عنيك عنيك ماتغيبش أو .. تبعد بعيد
دا انت محور دنيتي جوا الحياه
وانت عمري وفرحتي وطوق النجاه
قول ياسفر قلب انكسر .. فوق الدروب
مبقتش أخاف .. منك ولا .. منك بتوب
إزاي أعيش وانت الشروق وانت الغروب ؟
يا حلم كان
[ad id=”1177″]
لضلوعي فيك أعظم سفير
بعشق هواك .. وهواك أمل قلبي الكبير
سيب الحنين ياخدك لدقات القلوب
واعرف حقيقة حبنا وازاي بدوب
دنا لو لقيت في حد غيري بيلمسك
أكتم صراخي واكلمك
بدموع وجع قلبي الكبير
والدنيا تكسر فرحتي وأنا فيك أسير
من يوم ما فكر يعرفك قلبي خلاص
مبقاش بيقدر ينتزع منك خلاص
وفي كل مرة بينجرح بيقول خلاص
بعد الملايكة في الحياة ملناش حبيب.
[ad id=”1177″]
