[ad id=”1177″]
رامي العشري
من خلال متابعتي للحياه الاسريه في مجتمعاتنا العربيه
رايت من وجهه نظري الشخصيه ان هناك ثغرات ممنهجه يجب ان نوجه بها المجمتع للاستقرار الاسري بشكل راقي
وقد تكون مصر واحده من أكثر دول العالم بالنسبه لمعدل الخلافات الإجتماعيه وخصوصا الزوجيه او المتعلقة بالنسب عموما يعني، أعتقد مقارنه بالدول العربيه بمصر تتصدر هذه القائمه ،
والسبب الحقيقة من وجهه نظري هو إن العلاقات الأسرية في مصر تفتقد وبشدة للخصوصية، يعني كل واحد لازم يقول رأيه ويدلي به في كل شاردة ووارده، وده أحيانا بيكون على سبيل الحميميه والحب الزائد
[ad id=”1177″]
و الحاله دي بينطبق عليها مثال الدبة اللي قتلت صاحبها من شدة الحب أو أحيانا أخرى بيكون ناتج عن قناعه البعض أنهم لازم يقدموا خلاصه تجاربهم الحياتيه – بالعافيه –
للشباب حديث العهد بالزواج رغم أن التجارب دي ممكن تكون في منتهى السوء والفشل ورغم أن المنطقى انه من حق كل انسان ان يصنع تجربته الخاصه ، يعنى مثلا ممكن تلاقي جوازات كويسه جدا تبوظ من أولها أَو قبل ما تبدأ مباشره بسبب ان “عمّه” العريس مثلا قررت تحشر نفسها بشكل او بأخر في حاجه تافهه وتصمم عليها والعريس طبعا عشان خاطر ميزعلش عمته او عشان عمته كبيره وممكن تزعل يضطر يوافق وتبدأ بقى حلقه مفرغة من صراع مين اللي رأيه يمشى أو إزاي تسمحلهم يمشوا رأيهم علينا أو لما هما يمشوا رأيهم عليك / من دلوقتي أمال بعد الجواز هايعملوا إيه ! وهوب كلمه من هنا علي كلمه من هنا باظت الجوازة، عشان خاطر عم العروسه او عمه العريس او بنت خالة العروسه الخ، برضه موضوع الأسماء بيعمل مشاكل كتيره مع انه بوضوح شديد حق حصرى للأب والأم فقط وميصحش حد يتدخل فيه الا برضاهم التام ، خد النصيحة من الجميع واستمع بإهتمام للمخلصين اللي بيبدأو كلامهم دايما ب ” أنا هاقولك رأيى وأنت حر” ومتسمحش أبدا لحد يفرض عليك حاجه لأن في الأول وفي الآخر دي تجربتك الشخصيه ومحدش هيتحمل عواقب إختياراتك غيرك انت وبس
[ad id=”1177″]
