[ad id=”1177″]
خـدنا إيه
و كسبنـا كــام
البوم صور وسط الزحام
مع كل صورة تجر صورة تفر دمعة بأنتظام
صورة تحكي عن سعادة
فـرحـة كانت يـوم زمـان
و صورة تانيه جت في ثانيه
قصة فرح ، وسط الزحام
و ادي صورة لرقصه لينا
و عيونا تهمس بإنسجام
السعادة كانت بترقص حتي المشاعر
. مـعملـتش للي حوالينا اهتمام
كل دا أصبح صور ذكريات وسط الرُكام
خدنا إيه و اكسبنا كام
خدنا وجع فاق الوجع مفيش مسكن للالام
هو دا مُر الحقيقة علاجه
مُش محتاج علام
كسبنا موت بيتولد مع كل صورة من اللي فــات
ولاَ موقف زي موقف جه يصحي الذكريات
من زوايا فارغه فينا الامل فيها السُكات
أحسِب وجع يساوي موت تبقي النتيجة انفصام
شخصية عايشه وسط ناس
و تانيه فاضيه من الاساس
للحياة خلقوا إعتصــام
يا وجع أهدا علينا الصدفه فيك بقت سلام
من غير كلام يا وجع ؛ سلام ايدينا
. اختار عنينا توّصّله سلام سلام
يا وجع ؛ احنا استوينا دقات قلوبنا اتكسرت
. لما اتكتب لينا الخصام
وانتي يا أحزان سبينــا أحلام رُجُعنا اتفسرت .
لما العيون رمت السلام
[ad id=”1177″]
