بقلم /الدكتورة مني سعيد
انا عاوز اتغير بس مش عارف ورحت وحضرت دبلومات تنميه بشريه
ومش عارف قرات قران بس لسه برضه …ربنا قال ان الله يغير ما بقوم حتى يغيروا ما بأنفسهم …بس ازاي اغير ما بنفسي دي ازاي تعبت ؟؟؟
أنا حاقولك ازاي
اولا : انت قررت انك عاوز تتغير يبقى دي اول خطوة وبرافو عليك انك قررت .
طيب اعمل ايه تاني ؟؟؟؟
تلاحظ ياجميل …الاحظ الاحظ ايه ؟؟؟؟؟
الاحظ عيوبي ومميزاتي وتصرفاتي وتكتبها حالا في ورقه ايه اخطائي واحاول بكل جهدي اصلحها وادعم وأقوي المميزات .
أدعم ايه بس والتدعيم دة أعمله ازاي ؟؟؟؟؟
حاقوله الخطوة الثالثه تخطط ..نعم ايه دة أخطط ايه ؟؟؟ احنا داخلين معركة حربيه ولا ايه دة أنتي كلامك غريب .
لا ولا غريب ولا حاجة …تخطط يعني تعمل جداول ….جداول…جداول ايه دي جدول الضرب ؟؟؟؟ بتاع الحساب اللي كنا بناخده زمان في المدرسة ؟؟؟
لا يا حبيبي دة انت حاتخطط جدول حياتك …جدول حيخليك تفرح وتنجح …جدول حينسيك همومك ..ويمكن كمان حيقربك قوي من ربنا .
كل دة ‘ طيب ممكن تقوليلي لو سمحتي اعمل الجدول ازاي ؟؟؟؟
طبعا طبعا حاقولك ومش حاسيبك ابدا غير لما تعرف .
اولا مبدئيا كده احنا عندنا خمس صلوات …وعندنا اذكار الصباح والمساء وعندنا سورة الملك بالليل دة الجانب الروحاني االي حيخليك طاااير في السماء …الله دي حاجة حلوة بجد …وبعدها فيه اكلك الصحي وشرب الميه الكثير اللي حيغسلك مخك دة ويخليك تفكر معايا صح ..بجد ..الله عليكي .
ايه تاني ؟؟؟؟
وياااااسلام لو جرينا على البحر ..الله حلو الجري دة وشويه هواء واكسجين ينظفوا الرئه اللي اتعمت دخان سجاير وشيشه.
جميل جدا جدا وبعد كده الجزء الاهم وهو الجانب العملي دراستي او شغلي علشان نجيب المم والفلوس اللي نتفسح ونأكل ونتجوز بيها .
كده أنتي خلصتي ؟؟؟
لا لسه في علاقتي باللي حواليا اصحابي وأهلي وقرايبي وجيراني ..ودول أعمل بيهم ايه ؟؟؟
دول تحبهم وتساعدهم ودة الجانب الاجتماعي .
خلصتي لا لسه …أنت كده تعبت قوي ولازم ترفه عن نفسك قوم ارقص شويه ارقص ايوة ايوة او قول نكته كوميديه لان الجانب الترفيهي دة هو اللي حيخليك تطبق كل اللي فات
اجري بسرعة اعمل الجدول
وابقى طمني خفيت من الاكتئاب ولا لسه عمال تفكر في اللي زعل وتفكر في الغلاء
عاوزاك تعلق الجدول على الحيطة وتكتب صح على كل انجاز وتكافأ نفسك بيه
“نموزج “التغيير”..
