خواطر.
هبة عزازي
عارف اية هو النجاح ؟
النجاح لما تحب تبتدي تتعلم شيئ تتعلمة من أولة يعني من أول سلمة وانك تطلع بشويش ومن درجة لدرجة وتتعلم في كل درجة شيئ .
حتي لو لقيت إيد بتتمد ليك علشان تطلعك فووووق ما تبصش لها ولا تلتفت إطلع بنفسك ،صحيح هتتعب شوية وتزهق كتير بس بكل سلمة هتتعلم حاجة وتترسخ بدماغك معلومات كتيرررر ولما تطلع فوووق هتطلع مستريح وفوق بقي ماحدش هيقدر يزيحك ﻹنك إتعلمت كتيرررر فصعب ان حد يغلبك ودة طبعا ﻹنك رفضت تطلع مع اﻹيد اللي اتمدت لك ﻹنها كانت هتبقي أول إيد تتخلي عنك وتوقعك عند أول مطب علي جدور رقبتك ..
ﻹنها ببساطة لقتك هش ومش متعلم شيئ .عارف أنت قيمة الحياة إنك تعافر فيها وتعمل لنفسك بنفسك إسم .ما تحاولش تنط ببراشوت علي شيئ ﻹنك صدقني هتقع وتنكسر رقبتك زي ناس كتييير فاكرين إنهم ممكن بكل سهولة يبقوا ناجحين زي أي حد بيشفوة أدامهم وغيرانين منة ما يعرفوش إن الحد دة نحت بالصخر وإتعلم وعمل إسمة بنفسة.
حط هدفك قصادك وحاول توصلة بشكل محترم وإتعلم من غلطاتك ومن غيرك علشان مش عيب إننا نفضل نتعلم ممهما بلغنا من العمر .حاول تبتدي صح✔ علشان ما تقعش علي جزور رقبتك.
