لما حد بيموت غالي عليك بتكون مصدوم فترة لانك مش مستوعب انك مش هتشوفه تاني وبتقعد تسال نفسك ازاي ده حصل وبتكون مصدوم صدمه كبيرة جدا لان المصيبة بتتولد كبيييييرة اوي وتفضل تصغر تصغر لكن مش بتتلاشه بتفضل موجوده جوانا اه ممكن نتناسه لكن مش بننسي ابد طول الوقت بنفضل فكرين اللي راحوا مننا سواء اب او ام أو أخ أو أخت أو جد او جده خال خاله كده يعني كل الناس القريبه منك وممكن يكون صديق عزيز أو شخص شفته في عز ازمتك ووقف جنبك وساعدك ع قدر المستطاع وربنا افتكرة في ايام جميله احلي ايام ممكن الإنسان يموت فيها رمضان ومش معني كده الناس العزيزة عليك اللي ماتت في أيام تانيه مش غاليه ولا مقامها كبير عند ربنا لاء للاسف مافيش حد فينا يعرف مين اقرب الي الله ولا يعلم متي واين تقع ورقته من شجرة حياته بنفضل الحزن مصاحبنا والدنيا بتكون سوده اوي في عيونا
شوية وقت وبعد كده بنحاول نفوق ونمارس حياتنا العادية الطبيعية مرة أخري ومع ذلك مش ممكن تقدر تنسي اعز الناس ع قلبك واغلاهم عندك من وقت التاني بتقعد مع نفسك وتقول يااااه ده كان زمانه أو زمانها بقت أو بقي وعندها أو عنده كل ده شيئ طبيعي لأننا بشر وصعب أننا ننسى اه والله كتير كنت بزعل لما انسي اي حاجه
رغم انك بردو بترجع تكتشف انك مفوقتش اصلا …
بس بتلاقي نفسك بتحب تتكلم عليه و تحكي عنه كتير جدا
و عن تفاصيله الجميله
شويه تضحك وانت بتحكي ومبسوط .. وف نص الضحكه عينك تدمع علشان افتكرت أنه خلاص حاليا مبقاش موجود..
وشويه تبكي بحرقة انه سابك لوحدك ومش هتعرف تشوفه ولا تعيش التفاصيل اللي بتحكيها دي تاني
غلطان اللي قال إن الوقت بينسي .. إحنا طول الوقت فاكرينهم و عايشين بروحهم هما
كل يوم بنهون علي نفسنا اننا قربنا وجايز دورنا الجاي ونقابلهم .. كل يوم بنتعب ايوه بنتعب من وجع فراقهم اللي مبيخلصش ابدا وأحداثه بتكون معانا في كل لحظة سواء كانت فرح أو حزن بنتزكرهم ونترحم عليهم وندعي ربنا يسامحنا لو قصرنا معاهم في أي شيئ وبتطلب من ربنا يرحمهم وأنهم يزوروك في منامنك لأنهم وحشوك اوي ونفسك تقعد تتكلم معاهم زي زمان انت لو حد قريبك أو صديقك عدي وقت وماشفتهوش او سمعت صوته بتكون زعلان اوي ونفسك تشوفه وتسمع صوته رغم وجوده معاك في الدنيا فمبالك الناس اللي فرقتك خالص للابد حتي يحين اللقاء بهم ع خير ياريت كلنا نشبع من بعض ونرجع تاني صلة الرحم اللي انقطعت دي واللمه الجميله اللي كان بيلمها ابوك أو امك صدقني مافيش احسن منها مهما الدنيا لهتك هيجي عليك وقت تقول ياريت الزمن يرجع بيه تاني وارجع اعيش مع ابويا وأمي واخواتي في بيت واحد ونعمل اللي كنا بتعمله في بعض نضرب بعض ونقطع بعض كان ع قلبنا زي العسل يمكن كنا زمان بنزعل من بعض بس بعد ماكبرنا وشيلنا همووم الدنيا اللي اكبر من طاقتني
تخيل لما بيوحشك بني ادم عايش بتبقى عامل ازاي مع انك عندك الفرصة تشوفه .. ما بالك ب بني ادم مات وعمرك ما هتشوفه ومافيش اي مخلوق مهما عمل ممكن ياخد مكانه ابدااا مهما عمل يعني لو مش شوية الصبر اللي احنا عايشين بيهم ربنا وحده اعلم كان اي جري للواحد من كتر التفكير تقريبا كده الدنيا ليها دور كبير اوي مش تقريبا ده اكيد دور البطوله بصراحه مشاكلها اللي مابيخلصش وهمومها اللي كل يوم بيتذبد عن اليوم اللي قبله اكيد هو ده السبب الواحيد في أننا بنتناسة حبة فعلا متهيالي انا من وجة نظري ده اكبر سبب لكن لما بنقعد مع نفسنا زي دلوقتي كده وع راي بنتي انتي يا ماما ليه بتقتري من الذكريات الحزينه ماتحاولي تنسي شويه وتفكري في أي حاجه حلوه بلاش الأحزان
رديت عليها وقلتلها ياريت كان بايدي والله لكن يابنتي ربنا مايكتب عليكي الحزن لانه اكتر حاجه بتموت الجسد وهو حي من كتر التفكير فيها
المقصود من كلامي ده نترحم ع امواتنا ودائما نفتكرلهم الطيب وندعلهم ربنا يجعل مثواهم الجنه واوعو تنسوهم اوعو دي الصدقة الوحيد اللي هما بيخدوها بعد الموت ولد صالح يدعوا له والباقي كلنا عارفينه قولو ورائى .
اللهم اغفر له وارحمه، وعافهم واعف عنهم، وأكرم منزلهم، ووسع مدخلهم، واغسلهم بالماء والثلج والبرد، ونقيهم من الخطايا كما ينقى الثوب الأبيض من الدنس، وأبدلهم دارا خيرا من دارهم، وأهلآ خيرا من أهلهم، وازوجا خيرا من ازوجهم، وأدخله الجنة، وأعذهم من النار اااااااااامين اااااااااامين اااااااااامين ”
بقلمي المتواضع🖋️
سحر سالم
