بقلم/الشاعرة اسراء علي صابر (اسراء علي)
وحشني اللمه
ف غيابك
فين لما كان
ايام زمان
كنا بنتلم
علي بابك
وبتحضنينا بابتسامه
كانوا الكل احبابك
لما كان زماني يقسي
عليا
وكان بيسعني احضانك
والله ياتيته
بعد الغياب
ماعد اللمه
تجمعنا
فرقنا زمنا
ووجعنا
وشكينا للدنيا
اوجعنا
وبكينا
ماحد يسمعنا
ياايد تطبطب
وقت الجرح
يالمه الكل
ساعه الفرح
سيبتينا ومشيتي
ف بعدك
بقينا اغراب
وقل الحب بينا
وغاب
وحشني الضحكه
ف عيونك
وكلامك
ودعوه حلوة
لما اروح مدرستي
وقت صباح
حفظك ربي ويصونك
وبعد غيابك
خيرنا قل وراح
ومين يعوض حنانك
فرقتينا
ما حد ارتاح
وبعدك راحت
الافراح
