علق الشيخ خالد الجندي، عضو المجلس الأعلى للشؤون الإسلامية، على تصريح فنانة شهيرة بأن «الله اختارها أن تكون راقصة».
وقال الجندي، خلال حلقة برنامج «لعلهم يفقهون»، عبر قناة «dmc»، اليوم الخميس: «أنا بتكلم عن راقصة طالعة بتتكلم نيابة عن الله، وبتقول ربنا هو اللي عايزني أكون راقصة، وهو اللي اختار لي ده».
وأضاف: «إحنا مش بندخل في شخصية حد، إنما لا تتكلم باسم الدين، إذا بليتم فاستتروا، ما لا لكم لا ترجون لله وقارًا، الكارثة إنها عدت الشيطان، الشيطان بيقول إن ده إغواء، لكن هي بتقول ده رزق، ده فن، ده فضيلة، دي كارثة».
وتابع الجندي: «مينفعش بعد ما قالت الكلام على الهواء أن نصمت، لازم نرد عليها على الهوا».
وأشار عضو المجلس الأعلى للشؤون الإسلامية إلى أنه لا يتعرض لذات الشخص نفسه ولا اسمه، ولكنه يتعرض لما يقوله من أمور لا تصح، على حد قوله.
لوسي: الرقص ليس حرامًا
كانت الفنانة لوسي قد قالت في تصريحات سابقة في «بودكاست» «عندي سؤال» عبر قناة ومنصة «المشهد»، إن الرقص ليس حرامًا، متابعة: «ربنا قالي اختاري عايزة تبقى رقاصة، وأنا اخترت أبقى رقاصة».
