بقلم-دكتوره سمر صقر
عدم الثقه بالنفس مرض محتاج علاج مكثف ومتكامل عشان تخرج منه اتعالجت تماما وعندك مناعه قويه ضده ومش اي حاجه تأثر عليك
ابدء الروشته باول خطوه كبسوله صباحيه مهمه جدا
١.اول ما تقوم من النوم تحمد ربنا علي انك صحيت وان لسه عندك عمر تحقق فيه كتير
٢.امتن لكل حاجه في حياتك واشكرها علي وجودها حتي لو سريرك اللي لسه كنت نايم عليه
٣.اغسل وشك وبص في مرايتك وشوف اجمل ملامحك وقول لنفسك انا جميل وان شاء الله يومي هيبقا جميل زي وشي اللي ربنا خلقهولي.
٤.البس لبس جميل ومنسق ونضيف ومكوي حتي لو بسيط ومش متكلف بس يكفي ان انت اللي لابسه ده يزيده شرف
٥.ضع اجمل روايح حتي لو بسيطه واهتم بتفاصيل شكلك وجسمك
٦.امشي مشيه فيها قوه وثقه وثبات وقول لنفسك طول الوقت انا اهم حاجه خلقها ربنا انا خليفه الله في الارض
٧.قوتك وثقتك هتبان في وقفتك وطريقه كلامك لو حاسس انك محتاج تتدرب علي نبره صوت اعلي واقوي اقف ادام مرايتك واتكلم بنبره تديك قوه وثبات
٨.اعرف ان لغه جسدك هتتكلم عنك لو ضعيف ومكسور وضهرك منحنى هتبان انك شخصيه مهزوزه ومعندهاش ثقه
٩.اخلاقك وطريقه تعاملك مع الاضعف منك يبين اد ايه انت واثق من نفسك
١٠ التعالي والغرور من علامات الانسان الضعيف المهزوز
الانسان الواثق بيكون متواضع ومهذب في التعامل مع جميع الناس الاعلي منه والاقل
حافظ علي روشته علاجك ومتنساش انك خليفه الله في الارض
شايفك وشايف كل تصرف بتعمله تهذب وتأدب امام الخالق.
