كان زمان الاستاذ فؤاد المهندس رحمة الله عليه بيجي في برنامج أسمه كلمتين وبس. اسمحولي اكون صاحبه الكلمتين دول وبلاش حد يزعل مني ولا من كلامي لأن دي الحقيقيه اللي كتير منا مش عايز يقتنع بيها
في ظاهرة منتشرة ع السوشيال ميديا هذة الأيام أو بمعني أخر من لحظة ما دخلت التكنولوجيا حياتنا وهي خربتها بس مش مع كل الناس لاء في ناس كتير استفادت منها واستغلتها استغلال صح
نرجع لموضوعنا
والكلام ع الست والراجل معنا لأن ياجماعه مافيش خيانه بتم من طرف واحد لازم طرفين يعني رجل وامرأة الهانم بتكون متجوزه وعندها اولاد والمصيبه الأكبر أنها ممكن تكون متجوزه عن حب وياما عملت مشاكل مع اهلها وكانت هتموت نفسها علشان تتجوز الشخص ده والعكس
وبعد ما تفوز به يحصل اي مشكله تافه بنها وبين الزوج وزي ماقلت أو العكس يعني يحصل مشكله تافه بينه وبين زوجته يكتب ع صفحته مثلا
الحزن يحلق بي وحياتي بلا معني وافكر🤔 في الانتحار أنا انسان وحيد في هذة الحياه !
في ثواني يدخل الشيطان علشان يلعب دورة ويلعبه بكل دقه ههههههههه😂 والمغفل أو المغفله يصدق. اسفه جدا ع التعبير بس ده اقل ما يقال عنهم 🤔
وهذا هو الحوار 👇👇
مساء الخير أو صباح الخير ع حسب التوقيت ويبعت ورد وقلوب وصور رومانسية عايز يوقع الزبون 😂😂
ازيك عاملة ايه ؟
مش باينة ليه
طمنيني عليكي انتي فين وحشتيني
ويفضل يكلمها عن الحب والمشاعر واد ايه هي اتظلمت في جوازها ده واد ايه هي جميله وكانت تستحق شخص آخر يعاملها معامله ملكه متوجه ع عرش قلبه ولازم الطرف التاني يكون حنين عليها وأنه لازم يشغل لها كل اغاني الحب والغرام وأنه لازم يقعد جنبها ليل ونهار يحب فيها ويطبطب عليها ومايزعلشاش ابدا ولا يجرح برائتها في يوم من الايام خالص ويفضل يزن. يزن يزن زي النحله. حلو اوي الكلام ده ومتفقين عليه طب لو طلبنا الكلام ده من الطرف الآخر فين المشكله هنا ليه كل واحد فينا مايعملش كده في حياة مع الحلال يمكن ساعتها نتفاده الغلط اللي ممكن اي شخص منا يقع فيه
نرجع تاني للجماعه دول ونقول اخرتهم ايه
بعد عده محاولات ومع اي ظرف بيمر بيه اي طرف ممكن يستجيب الطرف الآخر وهنا يقع المحظور خراب البيت
السؤال هنا هل هذا الشخص كامل مكمل لدرجه أنه قدر ع اقناعك أو العكس الي هذا الحد طب إذا كان هو كذلك لماذا لم يقدر ع تهيئه حياه سليمه له كي يعيش هو فيها وهنا أقف قليلا. عند مقوله وهي فاقد الشيئ لا يعطية. ويجب عليك ايه المغفل أو المغفله أن تدرك جيدا انك لست أكثر من مجرد رغبة فقط تزول بزوال مأثرها
والمقصود بالبلدي أنه (ياخد غرضه منك ). اي ينال منك الرجل مايريدة وانتي بالنسبه له مش اكتر من خائنه أو خائن
هناك اسما اخر وانتي وانت تعرفوها جيدا ولكن سأكتفي بهذا اللقب وعليكم أن تختارو أن تكوني زوجه محترمه طائعه لربك وزوجك وتكوني قديرة باسم ام لاولادك أو تكوني اي اسم من الأسماء الكثيرة والالقاب الاخري هذا يرجع لكم في النهاية
فوقي قبل فوات الاوان قبل لحظه الندم والله اعلم مني تأتي وانتي ع قيد الحياه أو عند بارئك
نصيحه لوجه الله قبل ان تندم وهنا لا يفيد الندم مهما فعلت. وتكون قضيت ع كل من حولك ع جميع أفراد اسرتك وليس عليك فقط والسبب الاساسي هنا 👇👇 السوشيال ميديا هي سلاح ذو حدين وعليك أن تختار أما أن تستغلها في الاستفاده منها أو أن تستخدمها في القضاء عليك كي تشبع رغباتك وشهواتك وهذا الفرق بينا وبين معظم المجتمعات هم في تقدم بسبب التكنولوجيا ونحن في تقدم أيضا ولكن للوراء وهذا يرجع لك وحدك وكيفيه استخدامك لها
ياريت كل واحد أو وحده فينا تفكر قبل فوات الاوان وقبل وقوع المصيبه مش بعدها لأن مجرد التفكير قبلها هيكون افضل بكثير والحلول اسهل بكثير ولكن بعد وقوع المصيبه لا يفيد اي شيئ ولا حتي الندم
أتمنى ما حدش يزعل من كلامي هناك ألفاظ وكلمات اصعب من ماكتبت ولكن كنت أحاول أن أجد الكلمات البسيطة كي لا اجرحك احاول ان اوصل لكم قدر الإمكان صعوبه مايحدث لنا لا قدر الله إذا وقعنا في هذة المصيبة. حفظنا الله وإياكم وحفظ بيوتنا هادئه مطمئنه كما كانت في السابق وكما عشنا وتربينا جميعا جيل العظماء وتعلمنا ع يد اب وام لا يعرف من القراءة سوي القران الكريم الذي تعلمه كي يعلمك إياه
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ».
✍️ الكاتبة سحر خضري
✍️ كلمتين وبس
