كتب / سعيد بلبوش
٠•••••••••••••••••••••••••••••
محمد ياسر.. اكيد فاكرينه ده اسم الشهره انما اسمه فى البطاقه وائل ياسر
ده الشاب اللى كان عايش على شط الترعه فى البوص والحمد لله
ادارة الازمات فى الوحده المحليه كفر بولين وكوم حماده والمحافظه
واداره التضامن بكوم حماده ودمنهور عملوا الواجب معاه
ودخل المستشفى العام بكوم حماده منذ اكثر من اسبوعين
محمد ياسر معاق ببتر فى الساق اليمنى وكان فيه مسمار فى ساقه الشمال بارز 10 سم وكان فيه تجمعات صديديه بساقه الشمال كان ممكن تؤدى الى بتر الساق الاخرى لكن وكل الشكر لكل من ساعده بالمحليات وادارات التضامن وجمعية الاورمان بالنجيله ومستشفى كوم حماده التخصصى
دلوقت فيه مشكله
محمد لو طلع من المستشفى حيروح فين مالوش مكان غير البوص والشتا داخل وجرحه لم يلتئم لانه تم إجراء عمليه خطيره لان العظم كان كاسى على المسمار
لايوجد ماوى لهذا الشاب #ولايوجد اى دخل له
مطلوب من السيد الوزير المحافظ يوافق على معاش استثنائى ( لمحمد)
لانه محروم من معاش كرامه
لانه اتنصب عليه وفيه حد اخده بحجة علاجه
وطلع جواب عربية معاقين باسمه وبكده اتحرم من معاش كرامه
لكن بمخاطبة التضامن ابلغونا انه فى حالة موافقة المحافظ حيتم صرف معاش استثنائى لمحمد
وتفضل مشكلة السكن والاكل
فمطلوب توفير لو حجرة واحده بدورة مياه افرنجى نظرا لحالته بمساكن الايواء بكوم حماده او ايداعه دار رعايه بصفه استثنائيه ونطبق روح القانون الانسانى
وأى جمعيه توفرله الأكل بالتعاون مع اهل الخير عشان داخل علينا شتا وحيكون شتا قاسى بلاش سرير ولا اى اجهزه دى ممكن تشترى مستعمله من اهل الخير ياترى حنلاقى حل (لمحمد) بعد ماهجروه اهله منذ اصابته منذ اكثر من 12 سنه يتنقل فيها بين الارصفه والعشش وتارة يجد من ياويه ثم يلفظه
(محمد) انسان مهما كان فيه من عيوب اضطر ليها للحوج والعوزه وقلة الحاجه والهجران اللانسانى من ابوه اووالدته إللى انفصلوا واتجوزا بعيدا عن الاخر وخلفواا كتير غير (محمد) وكان هوه الضحيه ياريت تلاقوا حل . ……..
