كتب / محمد عوض
قولوا ياعالم قولوا ياناس البلدية طلع الممتاز
“وقفنا النمل طابور وعلقنا زينة ونورا”،
وصعد الحصان الاسود مرة ثانية بعد سنوات 15 عجاف ..عودا حميدا ..نجح الشباب فيما فشل فيه الكبار …كتمانهم كان سر نجاحهم .وكلل الله مجهودكم بالنجاح …قياداتكم الشامية كانت حكيمة رغم قلة الحيلة ..صداقتكم كانت سر نجاحكم …قفتلوا الباب وكمان الشباك منذ بداية المسابقة …رغم التراجع والانكسار فى بعض الأوقات إلا أنكم صمتدوا وحققتوا المراد ..وضعتوا الثقة فى جهازكم منذ بداية العام متماسكين وقالوا لا نرضى عن عبد الرؤوف وجهازه بديلا ومعاهم علوى مديرا للكرة صاحب الخبره الكبيرة …وعلشان منبخس حق حد …كلهم نجوم ..جهاز فنى وإدارة ولاعبين ومسئولى المهمات كمان وكمان …مع اللاعب رقم واحد جمهورنا الحبيب …اللى له دور كبير فى ملحمة الصعود وعودة الكيان ومن ينكر ذلك يكون ظالم للجدعان ..ذاقوا الأمرين فى الداخل والخارج حتى تحقق لهم المراد من رب العباد …عوضتونا على هبوط الشقيق خيرا اللى حرمونا من ديربى المحلة …ويارب دايما موفقين ..وعلى البقاء فى الممتاز مصممين ..الغربية عامة والمحلة بخاصة كرويا أمانة فى رقبيكم ..لا تكلوا ولا تملوا من ضرورة البقاء فى دورى الاضواء …لو عايزين تعرفوا مكانتكم عند المحلاوية استرجعوا مباراة نبروه قبل الأخيرة التى خرجت فيها جماهير المحلة عن بكرة أبيها فى ملحمة تأييد ليس له نظير رغم عدم دخولهم المباراة المتعمد …سيروا على بركة الله فالقادم افضل…الحمل عليكم تقيل ولكنكم عليه قادرون..لا تبخلوا على الفريق باى مال ولا تفرطوا فى اللاعبين بلاش حجة لاعبين الممتاز غير المظاليم لأن كلهم لاعبين وكله واحد فى ظل القيادة الحكيمة والإدارة الرزينة..عودا حصانا أسودا كما كنتم سابقا يشار لكم بالبنان.
وعلشان نحتفل بالصعود جلنا الوزير للشباب والمحافظ كمان ومعاهم الشامى ويسرى كمان وكمان واصطفوا جميعا فى السرادق المقام ومعاهم قيادات سياسية وتنفيذية وبعض المشجعين لضيق المكان كرموا الجهاز واللاعيبة والجودو من المكفوفين ومعاهم أيضا رموز من متحدى الإعاقة فى فرح وهنا وسرور على وعد بتقديم الدعم من أجل البقاء فى الممتاز ممثلين الغربية بعد فشل الغزل وطنطا كمان وكمان.
