كتب – محمود أبو مسلم
د. هدي عبد الله ماجستير إقتصاد وقانون عام و باحث دكتوراة بقسم الإقتصاد كلية الحقوق جامعة الإسكندرية تكتب” الحل هو الإنتاج وتشجيع المنتج المحلي وعودة دورة الزراعات الأساسية مثل القمح المصري و القطن طويل التيلة ( يعني نرجع تاني نرجع صناعات النحاس والحديد والصلب والعربيات و نشجع الفلاح يرجع دورة زراعة القطن والصناعات القائمة عليه والقمح المصري إللي كان بيكفي حاجتنا من الاستهلاك و بنصدر الفائض مش نسلم دقننا للخارج علشان الكام لحلوح معونة وكام إردب قمح أمريكي و حمل قروض مالهاش آخر مش بتكفي حتي سد إحتياجاتنا الأساسية من الغذاء وما ننساش إن من لا يملك قوت يومه لا يملك قراره)
– قفل باب الإستيراد والسماح فقط بإستيراد السلع الأساسية وقطع الغيار ومستلزمات الإنتاج لخفض إنفاق العملة الأجنبية ( يعني نقفل حنفية السلع الإستهلاكية والكمالية علشان نوفر دولارات مش نفتح ونقفل ونلف حوالين اتفاقية الجات بمزاجنا وعلشان مصالح الناس الكبيرة ، لا نعمل إللي فيه مصلحة إقتصادنا ويتوافق مع دعم عجلة الإنتاج المحلي )
– تشجيع الإستثمارات الأجنبية خاصة الجانب الروسي في الوقت الحالي فيما عدا الإستثمارات الإستهلاكية المسئولة عن إمتصاص فائض الناتج المحلي ( زي ماكدونالدز ودانكن وخلافه علشان الحاجات دي بتاخد جزء من دخل الأسرة وبالتالي جزء كبير من الدخل المحلي بيروح للدولة الأم صاحبة العلامة التجارية بالخارج علي شكل صناديق إستثمارية و مش بيدفعوا غير جزء ضئيل منها للدولة المستضيفة علي شكل ضرائب عوائد إستثمار)
– توجيه جزء من الدعم المادي للمشروعات الصغيرة والمتوسطة الحرفية و الصناعية والزراعية وتشجيعها عمليا علي ارض الواقع بخفض المعوقات البيروقراطية أمامها لرفع الإنتاج المحلي الإجمالي و توفير فرص عمل قادرة علي تحقيق دخل حقيقي لأصحاب تلك الأسر لمواجهة موجة الغلاء و التضخم العالمية ( يعني بدل ما نصرف كله علي الكباري والمدن الجديدة ندي جزء من الدعم المادي للمشروعات دي علشان نحقق التوازن بين الصرف علي أدوات الإنتاج الرئيسية و مكملات تشجيع الإستثمار يعني قبل ما تعمل الطريق إللي حتمشي فيه العربية لازم نجيب العربية ”
ياريت قبل ما ندور ع الكراسي والمناصب نعمل إللي المفروض يتعمل علشان
نخليها_تعمر
و أخيرا كلمة لسه بترن في ودني قالهالي أحد الأصدقاء رئيس مجلس إدارة إحدى الصحف الشهيرة والكلام ده من كام سنة قال ” أن كل فرد في المجتمع مطالب بالبحث عن وسيلة لزيادة دخله بما يتواكب مع التضخم وإرتفاع أسعار المعيشة لأن ما حدش حيعمله حاجة ”
ونظرا لوجود تحديات كتير يبقي لازم نفكر برة الصندوق ( مش نكتفي بأننا نحط إيدينا علي خدنا ونندب حظنا ونندب غلاء الأسعار و المعيشة ، لأ
خليك_إيجابي
