كتب-محمود أبو مسلم
الجمهورية اليوم تجري لقاء مع الاميرة المصرية الشيف المتميزة الصاعدة ايناس ابراهيم منصور والتي لاقت في السنوات الماضية اهتمام جماهيري ومتابعين بالملايين علي جميع شبكات التواصل الاجتماعي فيس بوك. و انستجرام وقناتها علي اليوتوب “ومطبخ ايناس”
وكان لنا معها هذا الحوار التي كشفت لنا من خلالها عن شخصيتها وسر نجاحها في عملها
وبدأنا بأسئلة خاصة بموقعنا ثم رأينا أن نفتح الباب لجميع
ليشاركونا الحوار وليتعرفوا عليها عن قرب
وبدأنا حوارنا معها بهذه الأسئلة التي أجابت عليها بكل ثقة وتميز كعادتها
عرفينا بنفسك شيف ايناس ابراهيم منصور ؟
محل الاقامه شبراخيت محافظة البحيره
بدايتك فى الطهي منذ متى وكيف؟ وماهي اول طبخة قمتي بيها؟
بدايتى فى الطهى كانت اثناء دراستى كنت اعشق المطبخ وانا فى الدراسه وكنت والحمد لله متميزة جدا اثناء الدراسه وكنت بدخل مسابقات كتير جدا وهذا بفضل والدتي وتشجيعها ليا بصفة مستمرة وكان اول طبق عملته وكنت فرحانه بيه جدا كان جمبرى تمبورا ومعاه صوص سويت شيلى
لو لدينا حفل او فرح به 500 فردا كيف تحددي ميزانيته تقريبا ؟ وهل قمتي بهذه التجربة مع عدد كبير هكذا ؟
ميزانيه الفرح او الحفله دايما بتتحدد حسب سعر المنيو للفرد الواحد فى العدد مثال يعنى لو عندى فرح 500 فرد يبقى لازم الفرد لايقل سعره عن 125 جنيه دى ميزانيه الاكل للفرد فى الفرح عشان ده فندق 5 نجوم ده سعر البيع للعميل اما التكلفه الخاصه بينا كتلفه طعام للفرد الواحد بتكون حوالى 40 جنيه
اكيد طبعا عملت حفلات لعدد كبير جدا من الافراد وكانت الحفله حوالى 1200 عميل ودايما الحفلات الكبيره بتكون سهله فى انى اظبط تكلفه الطعام عشان العدد كل ميكون كبير كل ما التكلفه بتكون قليله
هل لأحد من الاهل دور فى غرس فكرة الطهي لديكي أم هى موهبه وشجعوكي عليها؟
مفيش حد من عائلتى يعمل في هذا المجال نهائى لكن كان هناك تشجيع من ماما ليا و انا كنت حابه جدا انى اخوض التجربه دى والحمد لله كان فى تشجيع من عائلتى وكان عندى طموح كبير انى اكون شيف تنفيذى والحمد لله كان فضل من عند ربنا
الطبخ يتطلب التركيز والدقه والإتقان كيف أنتي مع من لا يلتزم بهذه السمات اثناء عمله ؟
الحمد اتقانى فى العمل هو اساس من بدايتى فى المهنه بحاول انى افضل ملتزمه بيها والمطبخ من المهن الخطره جدا والصعبه فلابد من تركيز الشيف تركيز شديد جدا
س-هل تقومي بالطبخ في الحفلات لو طلب منكي هذا؟
اى شيف فى الدنيا لازم يكون جاهز انه يشتغل بأيديه عشان لو حصل اى ظرف وده من اساسيات الشيف الناجح وطول منا بشتغل بأيدى اكيد بيكون فى ابداع اكتر
س-النظافه عنوان للأكل الصحي والجيد ما رأيك فى أكل بعض المطاعم ومانراه فى الصحف من ممارسات العمال القذره فى إعداد الوجبات؟
الرقابه الشديده من تفتيشات وزاره الصحه ووزاره السياحه على الاماكن السياحيه واشتراطات أمن وسلامه الغذاء دى من اهم العوامل اللى لازم تكون موجوده فى مكان من اماكن اعداد الطعام يعنى لابد من التفتيش باستمرار على النقاط الهامه فى اشتراطات وزاره الصحه وكمان اتباع منشورات وزاره السياحه الدوريه لامن وسلامه الغذاء
جمهوري العزيز تابعونا في لقاء متجدد مع الشيف ايناس ابراهيم منصور لتفتح لنا قلبها وعقلها دائما في حوارات ولقاءات متجددة.
