الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

اعترافات قاتل الطالبه “نيرة أشرف” خلال جلسة محاكمته

- Advertisement -

جمال البرنس
بدأ، منذ قليل، الطالب محمد عادل، قاتل الطالبة نيرة أشرف، طالبة جامعة المنصورة، كلمته أمام هيئة محاكمته عن تفاصيل قتلها.
النيابة تتهم قاتل نيرة أشرف فتاة المنصورة بالتخلص منها لرفضها الارتباط به
وتلت النيابة أمر الإحالة الخاصة بالمتهم في بيانها خلال جلسة المحاكمة الطالب محمد عادل .
واتهمته النيابة بقتل الطالبة نيرة أشرف طالبة جامعة المنصورة ، مع سبق الإصرار لرفضها الارتباط به.
حيث أدلى الطالب محمد عادل، المتهم بقتل الطالبة نيرة أشرف بشهادته في أولى جلسات محاكمته، وظهر المتهم وهو يتحدث بصعوبة بالغة، ولم يتماسك، بل وتوقف عن الحديث أكثر من مرة بسبب بكائه أثناء إدلاء الشهادة ولم يتمالك نفسه.
قائلا: «كنا متفقين على الخطوبة أنا ونيرة وأهلها كانوا عارفين زي ما قالت لي، وكل ده بشهادة أهلها، ولكنها بعدت وأنكرت بعد كدا علاقتنا».
وأضاف المتهم، خلال جلسة المحاكمة: «كانت وخداني مرحلة في حياتها علشان توصل لحاجات معينة ووصلت للحاجة دي وخلاص مبقتش عاوزاني».
«كنت بحبها جدًا، وهي قالت لي إنّها عاوزة تسيب شغل الموديل وتدور على مجالات تانية، وأنا كنت موافق من كتر حبي ليها»، متابعًا أنّ العلاقة التي ربطته بالمجني عليها، كانت أسرته ترفضها: «أهلي ماكانوش راضيين بيها، ولما افترقنا هددتني تفضحني بالمكالمات اللي بينّا، عشان كده ردتلها التهديد، أنا قعدت 3 شهور أتحايل عليها، وقلت لها مش عاوز حاجة منك، اللي أنا كتبته، أنتِ كتبتي زيه وخالصين، وهي كانت مصممة هعمل وأسوي ونتقابل في النيابة».
وأكمل المتهم أمام القاضي، قائلًا إنّ «والد الضحية أخبره بأنّها ابنته (فضحته) بسبب موضوعات أخرى»، وأنّ والدتها كانت سبب قوتها ووقفت أمام والدها لصالح ابنتها.
وتابع المتهم أنّ «والدها طلب مساعدته ذات مرة، لكونه على معرفة بكل شيء عنها، ليساعده في الوصول إليها»، مضيفًا: «كان فيه بلاغ عمله والدها عشان سابت البيت وماكانش عارف مكانها».
كواليس لحظة التخلص منها
كواليس لحظة التخلص منها وسط الشارع وفي عز النهار، في أثناء وجوده داخل قفص الاتهام بمحكمة جنايات المنصورة.
تمنيت وصولي متأخرًا.. واليوم يعدي من غير ما يحصل حاجة
وقال المتهم: «أنا كنت ناوي أقتلها وقلت هستناها وهي داخلة من برة، وكنت بتمنى تيجي متأخر أو أنا أوصل متأخر واليوم يعدي ميحصلش حاجة، ورحت أركب الباص لقيت نيرة جاية وموجودة فيه، وكان السكين معايا، شاريها من 3 أيام، كانت بعتالي تهديد إنها هتعمل فيا كذا وكذا، فخدت السكين عشان أدافع عن نفسي».
اشتريت «السكين» قبل الواقعة بـ3 أيام بعد تهديد نيرة لي
وأضاف المتهم بقتل نيرة: «في نفس الوقت، قلت في اليوم دا لو حصل فرصة هنتقم لنفسي، وفعلًا هيا جت وركبت الباص وهيا بتتريق وتضحك عليا، اتعصبت، اللى هو انتي تستاهلي، وكل شوية تكلم صاحبتها اللي جنبها وتبص وتضحك وهي متعرفش إن معايا سكين».
ندمان.. لكن اللي يزعّل إنك تعامل حد كويس ويستغلك
وردًا على سؤال القاضي، هل أنت نادم؟، قال المتهم بقتل نيرة: «ندمان طبعًا لأنى أذيت»، وحينما سأل عن «إيه مفهوم الحب عندك؟»، أجاب المتهم «اللي يزعل إنك تبقى كويس مع حد والحد دا يستغلك».
ونفى المتهم بقتل نيرة أشرف بأن ما أقدم عليه بسبب حبه لها، لكنه تراكم لما حدث بينهما بعد بُعدها عنه عقب ارتباطهما حسب زعمه، وقال: «مش قصة إنها رفضتني، لو في دماغي أعمل كدا من أجل حبها كنت عملت ده من زمان، مفيش حاجة تبرر اللي أنا عملته».

- Advertisement -

قد يعجبك ايضا
اترك تعليق

يرجي التسجيل لترك تعليقك

شكرا للتعليق