بقلم دكتور / خالد الجندي
شخصية معقدة… كثيرة ايقاع الأذى بالمحيطين به
لديه القدرة على تحطيم نفسية اي انسان..
يدخل في علاقة معه ..حتى لو كان اقرب المقربين..
لكن من سوء حظه..انه لا ينجح في ايذاء اصحاب…
النفسيات الصلبة القويه…
هتقولولي..ممكن نعرف شوية تفاصيل عن هذه الشخصية..
اولا..
بيحب نفسه بطريقة أزيد من اللازم…يعني ماتتوقعش ..
إنه ممكن يجي على نفسه حتى لو كان غلطان علشانك…
لو اتخاصمتم استحاله يعترف بتقصيره ولا يبدأ في مصالحتك
ثانيا..
دايما علاقاته مع غيرة قايمه على المنفعه والمصلحه.
يعني لو عمل معاك ديل او علاقه اوعى تتصور إنه هيخليك
تاخد او تفوز بحاجه، أهم حاجه عنده هو وبس
ثالثا..
شايف نفسه بيفهم في أي حاجه وكل حاجه ويحسسك …
على طول إنك غبي ومابتفهمش ويشكك في قدراتك وتصرفاتك
رابعا..
طول ماهو بيتكلم معاك يفضل يفخم في نفسه.ويهول في انجازاته
لدرجة تحسسك إنك قدام ظاهرة فريده وهو في الحقيقة اجوف من جواه
خامسا..
على طول عاوز منك تعامله معامله خاصة ومتميزة ولو معملتش كده
تبقى انت مش عارف قيمته ولا قامته ويتهمك إنك مش فاهمه
سادسا..
يحقد ويحسد على أي انسان يتمايز ويتفوق ويعتقد إنه .
هو الأجدر بالنجاح ده…
سابعا
..
خياله خصب وواسع ومرحرح قوي..يعني وهو بيتكلم عن نفسه
ممكن المواضيع توسع منه من كتر خياله لدرجة التهويل
ثامنا..
يميل دائما لعقد المقارنات خصوصا مع الأقل منه ..
علشان يثبت تفوقه عليهم أما الأفضل منه مابيجيبش..
سيرتهم خالص وكأنهم مش موجودين..
ولو جاب سيرتهم يقلل من شأنهم ومايديهمش حقهم…
وممكن يتهمهم بالنصب والاحتيال والتزوير
ازاي نتعامل مع الشخصية دي…؟
اوعى تبان قدامه انك ضعيف وفي حاجه لمساعدته..
اوعى يحس انك متردد ومش قادر تاخد قرار
اوعى تحسسه بأهميته اوفر
اوعى تخليه ياخد قراراته منفردا..
اوعى تعتذر ليه وانت مش غلطان في حقة
اوعى تسكت عن مطالبتك بحقك اللي عنده
