بقلم الشاعرة / مني صالح
“” “” “” “” “” “” “” “” “” “” “” “”
༺༺꧁꧂༻༻
حبيبي يا اغلي ماليا
أما أتقدمت يوم ليا
وقولت لأهلي أنا فاضي
ولو ع المهر مانيش راضي
عشان بصراحه أنا معايا
عيال وزوجه شقيانة
مبهدلها من الطلبات
وفي رقبتي خمسة بنات
وأنا أتكلمت بصراحة
علشان عايش مفيش راحة
قالت أمي كدا كفايه
يابتني حرام أرميكي انا في النار
دا عيشته تقصر الاعمار
قولتها خلاص يا امه أنـا راضيه
راضيه بعيشته واهي فاضية
ولو عيش حاف وملح
أنـا راضيـة
وشيلته
وشيلته أيوه جوه العين
لكن زماني نجاني
وبعد ما شيلته جوه العين قتلني
وكان هو الجاني
وطبطبت علي روحي
ولملمت كدا جروحي
وقولت يابت خلاص انسي
مـاهـو الفـاضي. أكيد واطـي
خلاص ماهي عبرة وحكاية
قالوها الأهل في الأمثال
عيش يا أبن ادم بفعلتك
وأحــــذر
علشان هتسد للـديـان
ويوم ما تقابل الرحمن
هتلاقي
رصيدك فاضى
بقلم الشاعرة / مني صالح
