بقلم دكتور / خالد الجندي..
ازاي تتحول من شخصية مترددة لشخصية حاسمة؟. التردد من الصفات اللي ممكن تتغير، صحيح الموضوع هياخد وقت بس في خطوات ونصايح كتير تقدر تساعد بيها نفسك عشان تكون شخصية حاسمة وعارف هو عايز ايه
1- تخلص من خوفك الخوف من اللوم أو الغلط أو كلام الناس هو أكتر حاجة تزود التردد، عشان كده أول حاجة لازم تتخلص من الخوف ده. ممكن كل يوم تجرب تعمل حاجة مش متعود عليها أو حتى حاجة بتخاف منها عشان تحس أنك كسرت خوفك وقادر تتعامل بعدها. حتى لو كانت الحاجة دي بسيطة، أنك مثلا تقول رأي مخالف بصراحة وماتخافش من ردود الأفعال
. 2- حدد هدفك على المدى الطويل حتى لو أخدت وقت طويل، لأن تحديد الهدف البعيد من حياتك مش سهل، لكن لما تعرف فعلا أنتِ عايز توصل فين، هتحس أن كل قرار صغير تاني سهل وبسيط، حتى لو كان هدفك مجرد أنك تكون سعيد في حياتك، هتلاقي أن كل يوم بتعيشه بتحاول تحقق الهدف ده. اقرأ أيضا:
10 علامات بتدل على صداقة مرهقة وغير صحية
3- خد وقتك ماحدش بيجري وراك، في ظل سرعة الحياة الرهيبة اللي بنعيشها دلوقتي ممكن تحس أن حاجات كتير بتضغط عليك عشان تاخد قرارات أنتِ شايف أنها محتاجة تفكير. عشان كده خد وقتك في كل حاجة حتى لو هتقرر هتختار آيس كريم بنكهة ايه. وقبل أي قرار مصيري أو مهم حاول تاخد يوم كامل للتفكير قبلها وماتقولش اه أو لأ وانت غضبان أو مبسوط أوي.
4- احسب الإيجابيات والسلبيات احسب نتايج قرارك بس في الآخر لما تعمله ماتبصش وراك، اتعلم من غلطك بس ماتسيبهوش يوقفك. وبص دايما لقدام عشان لسه عندك حاجات كتير تعملها وتتعلمها اقرأ أيضا: كيف تتعامل مع شخص يقلل من قيمتك ولا يقدرك
5- افهم سبب ترددك الحقيقي وبطل تفكير كتير حدد بالظبط أنتِ ليه متردد
، خوف ولا تكبير دماغ ولا ايه؟
ده هيساعدك كتير تتغلب على ترددك لأن هيبقى قدامك سبب واضح وهتقدر تغير
تاني حاجة أنك تبطل أوفرثينكنج، استرخي كل يوم لمدة ساعة أو اتنين بدون التفكير في حاجة، اتخيلي منظر حلو واسمع حاجة هادية واشرب مشروب بتحبه بعدها هتلاقي أن مش كل حاجة تستاهل أوي تتعب دماغك وتفكر فيها. وهتلاقي نفسك بتتصرف بطبيعتك.
