……………….
بقلم الكاتب
محمد عباس
الاسماعيليه
…………………
طب قولي مين غيرها
اجري واحكيلها
شايف علي جبينها
بسمة وشوق وحنين
وكلمة من حرفين
نفسي اغنيلها
وابوسها واحضنها
ضحت عشاني كتير
سهرت وطول الليل
تحكي قصص مواويل
وبكلمتين حلوين
الحلم يبقي جميل
وشموع تضيء الليل
والنور علي الصفين
وغيوم بتتبدد
وامال بتتجدد
ولاكلمة عتمه وشينة
بتيجي مرة علينا
نشوفها يوم بعنينا
بخطاوي تتسدد
ولاهجر بيهدد
الامنا ويعدد
فرحتنا لمانا
واللقمة كفيانا
والهدمة عجبانا
والفسحه سيعانا
ارواحنا وخدانا
بشوق علي هوانا
طب قولي مين غيرها
عايشين كده في خيرها
يوماتي احنيلها
وان غبت بدعيلها
وان عدت بشكلها
كاس العشم مليان
فارس كما الشجعان
بوصف واصول واجول
واحكي حاجات واقول
شفت عيون وقصور
احلي ورود وزهور
بستان وفاء وبدور
يوفي عهود ونذور
طب قولي مين غيرها
شافت كتير احلام
اني قريب منها
في كل تكوينها
قلبي وروحي مكان
سلام وبر امان
عايش بتامينها
من دعوة تدعيها
وكلمة تهديها
وصورة ترسمها
وافهم معانيها
من حلم فسرته
تايه وابصرته
ضرير ونورته
بحنان واغمرته
وقلب عمرته
بالحب والحكمة
بامان و مبتسمه
وشعور كما النسمه
احلامي تتحقق
بنصيب وبالقسمه
طب قولي مين غيرها
صوري في كل مكان
تحكي تاريخنا زمان
واقع علي الجدران
البوم صور مليان
ينثر عبير وريحان
شالت هموم والام
سهرت عشان ما انام
ضحت بكل امان
ملاك بروح انسان
والاهل والخلان
ترسم لنا عنوان
منشور في كل ميدان
منصور بكل حنان
طب قولي مين غيرها
دي نعمه من ربنا
تروي عطش حبنا
فرحي وكل المني ٠
يدوم وجودك لنا
في الارض قبل السما
بستان في قلبي ونما
ارويه بدمع العين
واحمد كتير ربنا
طب قولي مين غيرها
دي بدايتي ونهايتي
وحكايتي وروايتي
وعمر احلامي
وسفينتي وكياني
ومرايتي و أماني
وكل الهامي
وشوقي وهيامي
عايش انا بسبح
راضي انا بحالي
طب قولي مين غيرها
كفاية رضاها والجنه
ودعوة منها واتهنا
عايش سعيد وبتمنا
بقلبي وروحي بتملى
وشوقي وفرحي بتغني
طب قولي مين غيرها
عايش في قنديلها
سارح في تقاسمها
دايب في تفانينها
افراحي احزاني
شارب ومن نيلها
لاجل اني اعود تاني
انسج في احلامي
لحني وعنواني
بشوفه ادامي
يارب في الجنه
عوضني حرماني
واكون مع امي
تسقيني من تاني
من وحي الهامها
بنشد في ايامي
واشد اوزاري
في ليلي ونهاري
يارب في الجنه
تسبقني احلامي
اهلي وخلاني
وكل اعمالي
