الشيشى بيشى عنتريشى……
الدمنه قافله متفتريشى
و لما تضيق الدنيا بىَ…..
ادينى دش…….
و اوعى يومها تقول مفيشى
و البصمة دى بصمة ايديا …..
و الفيش يا سيدى هو فيشى
قولنا هنخد عشرة كاملة…..
و الزهر يلعب….
و تصحي بكرة متلاقيشى
الشيشى بيشى عنتريشى….
اسال تجاوب نور عنيى……..
و تنتف جلدى قبل ريشى
ما تفتريشى!!!!!!
الدنيا مش دايما لملوكها…..
عراقى يمنى او قريشى
والدنيا زايله……….
الدنيا باليه….
الدنيا ديا ما تسويشى
الشيشى بيشى عنتريشى………..
مش كل من يركع عبادة…….
والبيادة مش كلها نفس البيادة……
و ما تنسانيشى!!!!!
انا ابوك و خالك وابن خالتك و ابن عمك…..
انا خوك ………
كل اللى زرع الخوف ما بينا …..
يوم ما حبك و لا حبنيشى
هو يسرق ….
هو ينهب……..
هو يجمع مال الدنيا كلها….
و انت بردو ما تلاقيشي
و الشيشى بيشى عنتريشى…..
عمرى ما بتغير كلامى…….
حتى فى عز شدتى
عمرى ما بغير وشوشى
هو عشان سكوتنا اقوى من اعترضنا……..
و يوم يعدى …….
و تنتهى كل ملامح خيية املنا….ً
وتعيشى يا بلدى…ً
برغم الحزن ………
و برغم الخوف…………..
ايوه تعيشى
بكلمة منى تقوم جيوش……
انا للشعب………
و بكلمة منى ترجع جيوشى
أيمن فوزي
