كتب/ سعيد بلبوش.
استغاثه من أصحاب اوناش انقاذ السيارات والسائقين إلى فخامة الرئيس عبد الفتاح السيسي رئيس الجمهورية
والسيد رئيس الوزراء والسيد وزير النقل
والسيد وزير الداخلية والسيد محافظ القاهرة
والسيد محافظ الجيزة والسيد مدير الإدارة العامة للمرور وكل من يهمه الامر السماح لاصحاب الاوناش وسيارات طوارىء الطريق ونقل السيارات وانقاذ حواداث الطريق بحرية السير ليل نهار بلا معارضه او غرامات او حظر حرصا على حياة وممتلكات المواطنين فى جميع انحاء الجمهوريه
وطبيعة عملنا هى انقاذ السيارات فى حالة الاعطال أو الحوادث دورنا غير أن هو اكل عيشنا ومصدر رزقنا احنا بنساعد بشكل كبير فى تيسير حركة المرور ومساعدة رجال المرور فى رفع السيارات التى تعيق حركة المرور والعميل بيتصل علينا فى اى وقت وعايز ينقل سيارته وممكن يكون معاه أسرته ومعاه اطفال وممكن يكون معاه مصابين ومينفعش يترك سيارته فى الشارع لوحدها ويمشى لازم ينقلها لمكان آمن هى دى طبيعة عملنا وفى الاخر مبلقيش دعم من الدوله ولا من رجال الشرطة والمرور بل بالعكس بنتواجه بكل أساليب التعجيز وأشد المخالفات وبنتعامل زينا زى النقل العادى وبيطبق علينا قانون السير وقت الحظر زينا زى النقل العادى وبندفع مخالفات خياليه ومش عارفين نشتغل ونمارس عملنا بشكل طبيعي مش عارفين نشتغل ونمارس عملنا محتاجين دعم من الدوله
والسماح لنا بممارسة عملنا فى مساعدة أصحاب السيارات المعطله والحوادث والمساعدة فى تيسير حركة المرور. نحن مجموعة شباب الوناشين نرجو السماح لونش الإنقاذ بالسير في كل مكان بدون حظر للوقت فهذا طبيعية عملنا نرجو من سيادتكم النظر بعين الرأفة لنا حيث أن
طبيعة عملنا مع السيارت الملاكي اينما كانت نرجو من سيادتكم رفع كاهل الظلم عنا لكي نرى عملنا في بلدنا مصر الحبيبة
وتحيا مصر ام الدنيا دامت دائما في خير وسلامة مصرنا الغالية
