لما الصدق.. مبقاش ليه مكان ونحزن كتير ..ع اللي ماعالجه يوم الزمان… ونسرح ياما في اللي شوفناه واللي ياما كنا نتمناه و مقدرِتش… تجيبه …لينا الحياه… أيوة بنكذب …احيانا على قلوبنا نقول في هواهم دوبنا وفجأة يهل صدق أرواحنا ويحرجنا مع قلوبنا واحنا اللي الصدق طول العمر كان توبنا ولابسينه. مَلَس لارواحنا وقلوبنا… وجارينه…معانا بدروبنا .. ولما يضيق وسع أرواحنا يهل الصدق وبسيفه يعالجنا وطَبِب عيوبنا… ومهما يطوحنا…أو يمرجحنا جوانا ومعانا… وبيونس ارواحنا …. ونكدب على إحساسنا واللي مر بدروبنا ونحكي بالكذب أفراحنا خايفين تقلب الدنيا وتتعبنا قال ..وبيحاسبونا …على عيوبنا قال ..ويقولوا بنكدب.. والظلم طبع أحبابنا…. وبنداري وبنقاوح وبنعافر وبنسامح وتاه منا …بكرة وامبارح ولسة القلب بيصالح ولسة ارواحنا …مكبوتة ومحطوطة …في دايرة م القسوة …مغلوطة ولا فاهمين…. لفين رايحين ولاحاسين بالفرح وسط الزيطة وبنداري وبنقاوح وبنعافر وبنسامح ودايما ً مخاصمنا زمانا و بكرة وامبارح ….. ونكدب ع اللي فاكرينه بينا حاسس..وشايفينه بينا مش داري… وبنداري …حتى الدمعة في عيونا ..على انفاسنا وحتى على الدم اللي جوانا جاري .. ونضحك ..ضحكة وجع معبية …جرح وأسية وبنطبطب… في عز ألمنا ونزقطط .. ولما تواجهنا أوجاعنا بنتلخبط…وبنقاوح ونتعفرت…. وبأيدينا على أيامنا بنشخبط…. وبنداري وبنقاوح وبنعافر وبنسامح واحنا اللي تاهت منا أحلامنا … واحنا اللي ضاعت منا أيامنا …. واحنا اللي بتسلينا أوهامنا…. ورغم آلامنا.. لسانا بنطبطب ..في عز وجعنا
Related posts
-
افضل العروض الحصرية والخصومات
مواقع التجارة الإلكترونية تقدم للمتسوقين فرصًا مثيرة للاستفادة من العروض الحصرية والخصومات الرائعة التي تساعدهم على... -
الدكتورعبدالعظيم رمضان يكتب/التعليم وسوق العمل المصري..
المتابعين الاعزاء اينما كنتم حول العالم عبرصفحات الجمهوريه,, بمناسبة الحديث عن التعليم العام والعالى ومسارات الخريجين... -
محمد الزهار: بيت العائلة تمكن من استعادة القيم العليا والحفاظ على النسيج المصري.. ونجاحاته تلفت انتباه العالم
متابعة نجوي رجب أكد الدكتور محمد الزهار، مقرر لجنة المواطنة ببيت العائلة المصرية، أن بيت...