كلمات.. مني ربيع
في الإحتياج بنحس دايما باشتياق
وبننسى ليه وجع الفراق
طال الطريق والصبر ضاق
والعمر ماشي بالبطئ
والعقل تايه في الزحام عمره ما فاق
طب ليه نعيش وجع السنين
ونعيد جراح الذكريات
والليل طويل مليان أنين
والقلب مدبوح بالاّهات
ولإمتى بس نعيش كدا
عايشين ندواي في الجروح
ونواسي ده ونلوم ف دا
نمسح كمان كل الدموع
طب مين يداوي في جرحنا
يمسح بإيده دمعنا
ونعيش معاه باقي السنين
نكتب بإيدنا فرحنا
نمسح شريط الذكريات
ننسى اللي فات من عمرنا
#منى_ربيع
