بقلم صبرين الحاوي
بالعامية المصرية
كل الحكاية
ياسادة ياكرام نعسة الحمي وام الواد
ووداد اليتيمة مرت الواد بنية يتيمة ومالهاش حد
حنت عليها نعسة وقالت اخدها اجوزها للواد
ومن صان اليتيمة يابخته والسعادة مكتوباله
والهنا من نصيبه ويهناله
والواد ماكان علي باله ان وداد اليتيمة امه نعسةخاطبهاله وقامو الافراح وجوزتهالو وتزغرد نعسة من غرب البلد لشرقيها وتقول جوزت الواد
ودا كان يتيم وربيته وجبتله اللي تعمر بيته وتزغرد نعسة من غرب البلد لشرقيها وماكانت عارفه من دي الجوازة ايه اللي راح يجري ليها عملت في وداد الخير
كله بس ياريتو تمر فيها واخذت وداد
الواد من امه وقدرت بجبروتها تلمه حتي من امه
حتي في لقمة العيش وقالت من اليوم نعسة معانا مابقالهاش عيش والواد ساكت مابيتكلم
ولما من ضميره بيتألم يقول هي اللي خطبتهالي وجوزتهالي وجبت منها الدراري وكيف اشردهم بيني وبين وداد تاخدهم وترحل ويتوهو في البلاد
اقول يامه سامحيني ولا اقول ياولادي احترت والله في الاقوال وانا فقير وعلي قد الحال ووداد قوية القلب وقالت نعسة ياولدي لاتهتم ربيتك يتيم من صغرك وشلت الهم من بدري ياولدي خلاص لاتهتم قدري اعيش طول العمر شايلة الهم
ورجعت نعسة للفخار تدقه وتحرقه في النار وتقول دي شغلتي القديمة وباعت واشتري منها الجيران والرزق واسع ولخير كتير وقالت خد ياولدي مساعدة
مني عشان تربي منها الدراري الصغار ولا تخلي وداد تتحكم فيك دا وداد لو ملكت ماتعفيش جبتها يتيمة ومارحمتنيش ولا قالت دي زي امي دانا يتيمة وغيرها ماليش دي استقوت القلب عليا وحرمت عليا رغيف العيش عايذاني اشحتو من الجيران وانا الام الاصيلة
اللي ربيت اليتيم وربنا كريم دا رزقني من فضله وعمري ياولدي ماهتهان ومش كل يتيم يكون كريم اصل الكرم في الطبع وراثة ماتخافشي ياولدي علي امك ووطي الواد وقال ابوس يامه علي راسك ولو تدوسيني بمداسك حقك عليا انا مجبور يامه اختيارك كان غلط قالت ياولدي دا المكتوب وربك بيغفر الذنوب وربك كريم وسترني
ونعسة ووداد عاشو قدرهم بس ولاد الاصول ياولدي
عمرة ماحد كسرهم
حكاية نعسة ووداد
( بقلمي صبرين الحاوي)
