الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

“التحقيقات” تكشف علاقات سفاح الجيزة الجنسية

- Advertisement -

 

“التحقيقات” تكشف علاقات سفاح الجيزة الجنسية (خاص)

 

 

أحال النائب العام المستشار حمادة الصاوي، المتهم “قذافي فراج” الشهير بسفاح الجيزة إلى “محكمة الجنايات” في أربع قضايا بدوائر الهرم وبولاق الدكرور بالقاهرة والمنتزه بالإسكندرية؛ لمعاقبته فيما نُسب إليه من قتله عمدًا أربعة -هم زوجته وسيدتان ورجل- مع سبق الإصرار خلال عامي 2015، 2017، وإخفائه جثامينهم بدفنها في مقابر أعدها لذلك.

 

ويواصل “الجمهورية نشر نص التحقيقات كاملًا في القضية المعروفة إعلاميًا، “بسفاح الجيزة” التى حملت، رقم 3066 لسنة 2021 جنايات قسم شرطة بولاق الدكرور، والمقدية برقم 5612 لسنة 2021 جنايات قسم الهرم ، كلي جنوب الجيزة، حيث تبين لنا وجود المدعوة فاطمة الزهراء، خارج غرفة التحقيق فدعوناها بداخلها وشرعنا بسؤالها بالآتي.

 

“كنت بحل مشاكلي بالقتل وقتلت أربعة بالسم”.. نواصل نشر نص تحقيقات سفاح الجيزة (انفراد)

اسمي فاطمة الزهراء، السن 34 سنة أعمل مترجمة.

 

س: ما صلتك بالمجي عليها نادين السيد سيد؟

 

ج: هي أختي.

 

س: ما صلتك بالمتهم قذافي فراج عبد العاطي؟

 

ج: هو جوزي.

 

س: متى تحديدا تزوجتِ من المتهم قذافي فراج؟

 

ج: إحنا كتبنا كتابنا يوم 30 مارس 2015 ودخلنا في أغسطس 2015.

 

س: هل أنجبتِ من المتهم قذافي فراج عبد العاطي؟

 

ج: أيوة خلفت منه نادين واكتشفت بعد كدا إن اسمها حبيبة، لما كنت بستخرج شهادة ميلاد ليها، وهو كان ضاحك عليا ومفهمني إن بنتي اسمها نادين.
%0
س: ما هو سلوك المتهم غضون فترة الزيجة؟

 

ج: هو إحنا اتجوزنا في 30 مارس 2015 وكانت الدخلة في أغسطس 2015 وعيشنا في بيت ملكي أنا وهو 1 شارع أدهم فتحي في شارع العشرين في فيصل، وكان الظاهر إن هو راجل محترم وكان بداية فترة جواز%6ا كان كويس وكان أسلوبه معايا كويس لحد ما فجأة في شهر نوفمبر 2015 كنت بدأت أحمل ولما عرف إن أنا حامل لقيته اتبسط بس أنا كنت قفشتو بيكلم واحدة ووقتها اتخانقت معاه لقيتو راح ضربني والطفل سقط، وبعد الإجهاض أنا خبيت على أهلي إن هو عمل كده عشان أهلي مايزعلوش منه وبعد كدة في شهر يوليو 2016 ولدت بنتي وسمتها نادين ولحد الوقت ده كانت معاملته كويسة ماكنش في أي مشاكل غير مشكلة الإجهاض، اللي كانت في شهر نوفمبر 2015 وبعد ما ولدت بحوالي أسبوع تقريبا، بدأت أنا ووالدتي نتعب جامد ونخش المستشفى.

 

وجبة غداء وقبر داخل الشقة.. ننشر أمر إحالة سفاح الجيزة للجنايات (مستندات)

س: هل نما إلى علمك بيانات السيارة التي اصطحبت شقيقتك أو أرقام اللوحات المعدنية الخاصة بها؟

 

ج: لا.

 

س: هل تواصلتم مع ثمة أحد ممن كان برفقة المجني عليها عقب خروجها من المسكن آنذاك؟

 

ج: هو كان قذافي بيقولنا إن هو اللي بيتواصل مع المنتج ومش عاوز يدينا رقمه.

 

س: ومتى تحديدا تم إخفاء المجني عليها نادين السيد علي؟

 

ج: هي نزلت من البيت عندنا يوم 13 مارس 2015.

 

س: ومن كان برفقتها وقام باصطحابها من مسكنكم آنذاك؟

 

ج: هو كان قذافي والمنتج اللي اسمه قنبض وشريف يوسف سواق قذافي وكان في بنتين كمان منهم واحدة اسمها سناء.

 

س: وهل لديكِ ثمة بيانات لسائقي الذين قاموا باصطحاب المجني عليها؟

 

ج: لا أنا البيانات دي كلها اللي أعرفها.

 

س: وما هي الملابس التي كانت ترتديها المجني عليها آنذاك؟

 

ج: هي كانت لابسة حجاب وعباية وتحتهم بنطلون وتيشرت وجزمة بكعب وشنطة في يديها.

 

س: وهل تواصلت معكم المجني عليها نادين السيد سيد علي عقب خروجها من المسكن بتاريخ 13 مارس 2015؟

 

ج: هو كان فيه مكالمتين وماكنتش بتتكلم أوي غير إن هي بتقول إنها كويسة ومش فاضية وفي مرة حسينا في المكالمتين دول إن صوتها مش طبيعي قولنا صوتك متغير قالتلنا أصل أنا تعبانة شوية وبعد كده اختفت وتليفونها اتقفل وبدأ يتبعت رسايل على أساس إن هي اللي بتبعت بس كان باين من طريقة الرسايل دي إنها مش هي.

 

“استخدمت اسم رضا عشان أهرب من تهمة قتل مراتي”.. ننفرد بنشر نص تحقيقات “سفاح الجيزة” (مستندات)

س: ومتى تحديدًا تم إرسال تلك الرسائل وقمتم باستقبال تلك المكالمات الهاتفية؟

 

ج هو كان بعد ما خرجت بفترات مش قادرة أحددها.

 

س: وهل نما إلى علمك عما إذا كان تلك المكالمات من شخص المجني عليها نادين السيد سيد؟

 

ج: هو حسينا إن صوتها متغير ولما سألناها مال صوتك قالت أصل أنا تعبانة وبعدها يتبعت رسائل مضمونها أنا كويسة، بس كنا حاسين إن الرسائل دي مش من نادين.

 

س: وما هي بيانات الأرقام التي كانت تتواصل معاكم؟

 

ج: هو كان في أرقام خاصة مش بتظهر رقم وده خلانا نشك في الأول إنها كويسة.

 

س:هل قمتم بالاستعلام عما إذا كان المجني عليها قد غادرت جهورية مصر العربية أو قمتم باستخراج شهادة تحركات لها؟

 

ج: لا إحنا تايهين من وقت ما نادين سابت البيت ومش عارفين نفكر.

 

س: وهل ثمة حوار دار بينك وبين المتهم عقب قيامه بتوصيل شقيقتك على نحو ما قررته بتحقيقات النيابة العامة؟

 

ج: هو لما كلمته سالته قالي إن خلاص وصلتهم المطار وأنا مشكتش في أي حاجة.

 

س: ولماذا لم تقوموا بالإبلاغ عن اختفاء شقيقتك المجني عليها؟

 

ج: إحنا فاكرين إن هي مسافرة لحد لما لقينا الإعلام بيتكلم عن قذافي وبيحكي الموضوع ولحد ما الشرطه بلغتنا من كام يوم.

 

س: وهل كان بحوزة المجني عليها ثمة منقولات أثناء خروجها من مسكنها؟

 

ج: هو كان معاها لبسها والذهب بتاعها كله وكان معاها موبايلين وكان معاها البطاقة والورق بتاعها وجواز السفر وبعد حوالي ثلاثة أيام قذافي بلغنا إن نادين عايزة اللاب توب بتاعها عشان هيشحنو لها عشان هي عايزاه.

 

س: وهل استحصلت المجني عليها على ثمة أموال من المتهم أو من كان برفقته آنذاك؟

 

ج: هي الراجل السوري اللي كان مع قذافي اداها عشرة آلاف جنيه وقالها ده عربون الشغل وكتبوا عقد بينهم وكان فيه شرط جزائي.

 

س: وهل لديكِ ثمة أوراق أو عقود تم تحريرها آنذاك؟

 

ج: لا هما خدوا كل حاجة معاهم على أساس إن نادين مسافرة.

 

س: وهل تم الاتفاق على مده السفر بذلك العقد؟

 

ج: هما قالوا إن هما أول ما يخلصوا المسلسل هي هترجع.

 

س: صفي لنا المجني عليها تحديدا؟

 

ج: هي كانت عنيها خضرا وشعرها أصفر وكانت بيضاء اللون وكان جسمها متوسط الطول وكانت طيبة و كانت أحسن واحدة في إخواتي وأطيب واحدة فيهم وكانت أقرب واحدة ليا.

 

“كنت بحل مشاكلي بالقتل وقتلت أربعة بالسم”.. نواصل نشر نص تحقيقات سفاح الجيزة (انفراد)

س: هل بحوزتك بطاقة تحقيق شخصية المجني عليها؟

 

ج: لا هي أخدت كل حاجه معاها.

 

س: ما هي طبيعة عمل المجني عليها؟

 

ج: هي كانت في كلية حقوق جامعة بنها وكانت بتشتغل في الإعلانات جنب دراستها.

 

س: وهل تواصلتم مع أحد من أصدقاء المجني عليها عقب خروجها؟

 

ج: هو أصدقائها محدش يعرف عنهم حاجة.

 

س: هل لدى المجني عليها أي من مواقع التواصل الاجتماعي؟

 

ج: هي كان عندها حساب على الفيس بوك، ولقيناه اتقفل فجأة بعد ما سافرت بفترة، وكنا بنلاقي إنها بتنزل فيديوهات ليها قديمة.

 

س: ومتى تحديدًا تم إغلاق حساب الفيس بوك الخاص بالمجني عليها؟

 

ج: هو كان بعد فترة مش طويلة اتقفل على طول.

 

س: متي بدأت الخلافات بينك وبين المتهم تحديدا؟

 

ج: في شهر نوفمبر 2015 كنت بدات أحمل ولما عرفت إني أنا حامل، لقيته اتبسط، بس أنا كنت قفشته بيكلم وحدة وقتها واتخانقت معه لقيته ضربني والطفل سقط، وبعد الإجهاض أنا خبيت على أهلي إن هو اللي عمل كدا علشان أهلي مايزعلوش منه، وفي شهر يوليو 2016 وضعت بنتي وسمتها نادين ولحد الوقت ده، كانت المعاملة كويسة، ماكنش فيه أي مشاكل غير مشكلة الإجهاض، وبعد ما وضعت بحوالي أسبوعين تقريبا، بدأت أنا ووالدتي نتعب جامد وندخل المستشفى، والدكاترة قالوا إنى اتعرضت لحالة تسمم أنا ووالدتي، بعد ما كانو مش عارفين إيه اللي عندي وكان راح قال لإخواتي إني جالي سرطان، وفي مرة الدكتور سأله قاله أنت كلت من نفس الأكل اللي هي أكلت منه؟ قاله أه رد عليه الدكتور وقاله مستحيل لأن الأكل مسمم بعد كدا قعدت شهرين في البيت معلقة محاليل، وكانت فيه واحدة اسمها رانيا بتيجي البيت، وكانت أمي بتعطف عليها لقيتها دخلت عنده الأوضة وأنا كنت عايزة أدخل أشوف إيه اللي بيحصل ده، بس مش قادرة أتحرك من على السرير في الأوضة التانية، وبعد كدا لقيتهم هما الاتنين طالعين من الأوضة، ورانيا بتعدل هدومها وهو من غير هدوم داخلية، كان لابس جلبية بس، فلما زعقت وبقول إيه اللي بيحصل لقيتهم هما الاتنين نزلوا من البيت وفي يوم 9 أكتوبر 2016 لقيته اختفي.

 

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق