الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

في الوقت الغلط] [بقلم الاء خالد ابو العز]

- Advertisement -

[في الوقت الغلط]

[بقلم الاء خالد ابو العز]

(الجزء الرابع عشر)

-طيب يلا كملي يا ماما

=متقاطعنيش تاني

-حاضر

 

 

 

 

ومروان نازل علي السلم كان بيفتكر كل حاجه حصلت من اول ما وصل المدريه كسيناريو

………

من ساعتين

كان مروان قاعد في مكتبه زي ما طلب منه محرم

خبط الباب وازن مروان بالدخول

-مساء الخير يا باشا الف حمدلله علي سلامتك

=الله يسلمك يا عم كريم

-قهوتك

=شكرا

-محرم بيه بيقولك خلص قهوتك وروح ليه

=ماشي

-بعد ازنك

=اتفضل

مشي عم كريم وقبل ما يخرج من الباب لف وقال لمروان

-مبروك علي الخطوبه يا باشا

=الله يبارك فيك يا عم كريم انت لحقت تعرف

-سعيد باشا من فرحه بيك قال للمدريه كلها

=هههههههه والله ما موديني في داهيه غير سعيد دا

ضحك كريم وخرج

شرب مروان قهوته

واتحرك مروان لمكتب محرم

دخل مروان المكتب بعد ما سمع ازن الدخول من محرم

-تمام يا فندم

=تعاله يا مروان

-الوقتي انا فكرة في حل لمشكلتك دي بس مش عارف انت هتوافق عليه ولا لا

=ايه الحل يا فندم

-هتسافر سينا

=سينا

-متنساش ان اصل الجماعه من هناك وان اول ظرف معاز بعته ليك بعته وهو هناك و هو ادانا معلومات كتير الصراحه فادتنا

=تمام

-هما الوقتي عرفين انك اخد احتياطاتك وخايف وبتتحرك قليل صح

=صح

-لما تفاجئهم ويلاقوك فجاه في سينا هيكونوا عيزين يقتلوك باي شكل قبل ما ترجع

=ودا هيخليهم يغلطوا ويتكشفوا

-صح

=طب ولنفرض ان هما مغلطوش ومتكشفوش وقتلوني

-مش هيحصل اكيد هنكون عاملين حسابنا في تامينك

=واهلي هنا

-سعيد وانا هنكون معاهم

=وانا هسافر لوحدي

-لا هتسافر مع خالد

=خاااالد لا انت عارف ان مش بشتغل معاه ولا بتعامل معاه

-عارف بس هو الماسك القضيه وراح سينا كتير وخبرته هناك احسن منك

=انت ناسي ال هو و مراته عملوه فيا زمان

-اول مره تقول مراته متقولش جنه

=عشان مش طايق اسمع اسمها ولا اقوله الشوفته من اسراء كافيل يمحيها من حياتي وكانها مكانتش موجوده

-بدل كدا يبقا تروحوا سوا الموضوع عدي عليه سنين

=عدي سنين بس انا منستش

-انا قولتلك العندي ودا الحل الوحيد روح مكتبك وفكر ورد عليا

=حاضر يا فندم بعد ازنك

وقف مروان ومشي للباب وقف لما سمع محرم بيقول

-انت لسه بتحبها يا مروان؟

لف مروان وشه ليه

=قولة لحضرتك اسراء مساحتها من حياتي

-اومال ليه مش عايز تتعامل مع خالد

=كدا

-ولا خايف تسمع صوتها ولا تشوفها

سكت مروان وهو مش عارف يرد يقول ايه ولف وشه ومشي

……………

خرج مروان من مكتب محرم وهو مخنوق حس ان كلام محرم حبل ولف علي رقبته وخنقه

دخل مروان مكتبه ورزع الباب وراه وكان سعيد معدي

دخل سعيد بعد مروان

-ايه يا ابني في ايه مالك

=محرم بيه عايزني اروح سينا مع خالد

-وانت معترض علي سينا ولا علي خالد

=سعيد مش فايق لاي هزار

-انا بتكلم جد

=اكيد خالد

-هو لسه فارق معاك

=لا بس انا مش ناسي

-مفيش حد ناسي ‘

مفيش حد ناسي ان انت كنت متفوق عليه من واحنا في الكليه وهو بالواصته جاب تقدير اعلي منك

محدش ناسي لما حاول يبوظ اكبر قضيه مسكتها اول مره في حياتك

محدش ناسي ان اخد البت الحبتها منك

محدش ناسي ان هي كمان طلعت كلبة فلوس ومظاهر

مفيش حد ناسي والكل بيتكلم عليهم المهم انت التنسه عشان لو انت رفضة هيعرف ان هما لسه فارقين معاك

=مش هقدر اتعامل معاه يا سعيد

-تعاله علي نفسك لان القضيه في ايده

=طيب هفكر

-عارف انا ايه اكتر حاجه مستغرب منها

=ايه

-ان هو فعلا بيعمل كل اليقدر عليه عشان يحل القضيه

=بطل هزار

-والله بتكلم جد هو تقريبا مش بيروح وبيحقق وشغال مش عارف هو اتغير ولا فيه اي بيرتبله

=ربنا يستر

-هسيبك تفكر سلام

=سلام

………..

فاق مروان من السيناريوا البيتعاد علي صوت خالد

-مروان

(خالد اشرف ظابط في مكافحة الارهاب متجوز وعندو ابن من اسره غنيه وكان ديما بيحاول يثبت ان احسن من مروان)

=اهلا يا خالد

-اخبارك ايه

=الحمدلله

-انا كنت عايز اجيلك المستشفي والله بس كنت مشغول في التحقيق

=شكرا

-عارف ان حقك تتكلم معايا كدا بس انا اتغيرة وعرفة ان كنت غلط

=وايه سبب التغير دا بقا

-هحكيلك بس بعدين لما نخلص التحقيق والقضيه

=ان شاء الله

-اتمني بس نفتح صفحه جديده سوا كاننا لسه بنتعرف يعم

=وانسي كل الانت عملته ازاي

-عارف ان صعب بس حاول

=لما نشوف انت عايز توصل لايه

………………..

كمل مروان طريقه ودخل غرفة التحقيق وكان محرم موجود

-ايه كنت فين

=كنت جاي هكون كنت فين

-فكرة

=اها انا موافق

-كنت متاكد انك هتحسبها صح

=الغريب ان خالد وقفني وقالي ان عايز نبدا صفحه جديده وان هو اتغير

-هو اتغير فعلا

=ازاي

-موت والدته ومشاكل مراته اثرة فيه و فوقته

=بس فاق متاخر

-المهم ان فاق

دخل خالد عليهم

-تمام يا فندم

=خالد عايز نطلع باكبر كم من المعلومات المره دي منضمنش لما يطلع فوق هيعمل ايه او هيحصل فيه اي

-حاضر يا فندم بعد ازنكم

……………….

كانت اسراء في الوقت دا خلصت غدا و كتبت ان هي اتخطبت لاصحابها وبدات تستقبل التهاني علي الخطوبه

كان والد و والدة اسراء بيشرحوا لاخوتها الحصل وسبب ان هما مكانوش موجودين

……………….

كان مروان متابع التحقيق مع راشد من برا هو ومحرم

-انا مش عارف نعمل معاه ايه انا عايزه يتكلم قبل ما تسافروا سعيد لو حقق معاه ممكن يقتله

=هو انا ممكن ادخله انا ممكن يتكلم معايا انا

-هتكلم معاك ازاي وانت قاتل ولاده

=عشان كدا هيحب يستفزني ويتكلم

……………….

-راشد اتكلم وافتح عنيك بدل ما هتشوف المش هيعجبك مننا

=………..

-طيب ماشي

خرج خالد من الاوضه واتجه ل محرم ومروان

……………..

-باشا كنت بفكر مروان يدخل يكمل التحقيق معاه

=كنت لسه هقولك كدا

-طيب تمام

*تعاله معايا يا خالد

-ليه

*عشان لو فقد اعصابي عليه تلحقني

-ماشي يلا

…………….

دخل مروان وخالد غرفة التحقيق

-مش ناوي تتكلم

قالها مروان واول ما قالها فتح راشد عينيه فجاه

ابتسم خالد من ورا مروان

-ايه اتفاجئت انك شوفتني

قفل عينيه راشد بهدوء وكان شيئا لم يكن

-الحركات دي مش هتمشي معايا احسنلك اتكلم بدل ما اقتلك وارتاح واريح المدريه كلها

قرب خالد من ودن مروان

=اظن لو انت استفزيته ممكن يتكلم زي ما استفزيته بصوتك

حرك مروان راسه بالموفقه علي كلام خالد

قولي يا راشد احساسك ايه لما حاولت تقتلني 3 مرات وفشلت

فتح راشد عنيه تاني ولكن كانت حمرا جدا

………………..

كانت اسراء خلصت كلام مع اصحابها واتفقوا معاها ان هما هيروحوا ليها البيت عشان يحتفلوا بيها

قعدة اسراء في اوضتها علي الكرسي الهزاز وضوء القمر منور الاوضه بتفكر فيه وايه الممكن يكون مطلوب منه

كانت اسراء سرحانه في نظرته ليها لما كان عندهم في البيت وكلامه في التلفون

خرجة اسراء من سرحانها لما سمعت صوت الباب بتاع لبيت بيخبط

خرجة اسراء من اوضها عشان تفتح الباب

فتحت اسراء الباب وشافت ست في30 من عمرها نحيفه وطويله وسمرا شويه

-ايوا

=انسه اسراء

-ايوا انت مين

=انا حرم احمد جلال موكل عندك في المكتب وكنت عيزه اتكلم معاكي بخصوص القضيه

-طب اتفضلي

دخلتها اسراء الصالون

-ثواني وهرجعلك

=اتفضلي

خرجة اسراء تغير هدومها وطلعت الست دي تلفونها عشان تعمل مكالمه

……………….

-ايه انت كنت بتشرب حشيش من عنيك

ضحك راشد ضحكت سخريا

=قول عايز ايه من الاخر

قرب مروان من التربيزه وقاله

-تقول العندك

=بس انا معنديش حاجه اقولها

-الله ما انت بتتكلم عامي حلو اهو اومال ليه كنت بتفضل تكلمنا بلغة العرب وقرفنا معاك

=…………..

-هتقول العندك يا راشد ولا اتبع معاك الاسلوب الانتم بتحبوه

=مهما عملت مش هتطلع مني بحاجه

خبط مروان بايده علي التربيزه

-افتكران انت الاخترت مترجعش تندم

……………….

-الو

=……….

-ايوا انا عندا في البيت

=…………

-طيب بس بسرعه

قفلة من المكالمه الكانت بتعمله وهي بتبص حواليها عشان تشوف حد سمعها ولا لا

بعد 5 دقايق دخلة والدة اسراء بعصير وقدمته ليها وخرجة

…………….

كان مروان بيقلع حزام البنطلون بتاعه وراشد ضحك بسخريه وقفل عنيه

فتح الباب عسكري وقال لخالد في ودنه

-في تليفون مهم ل مروان بيه برا

كان مروان قلع الحزام ولسه هيرفعه وهيضرب راشد مسك خالد الحزام وقاله

-في مكالمه مهمه لازم ترد

بص مروان ل راشد وقاله

=راجعلك

خرج مروان وردعلي التلفون

-الو

=من غير كلام كتير في واحده قاعده مع حبيبت قلبك في بتهم الوقتي ولابسه حزام ناسف قدامك ربع ساعه لو الشيخ راشد مخرجش من عندك من البوابه وركب مع العربيه المستنياه مش هتلاقي حبيبتك واهلها

قفل الخط البيتكلم وكان مروان مصدوم

بص مروان لمحرم وقاله الاتقال ورن علي اسراء بدون ما يسمع رد من محرم

……………….

كانت اسراء خرجة وقاعده معاها وبيتكلموا عن القضيه دخلة عليها والدتها

-اسراء مروان رن 3 مرات

=طب ثواني هرد وارجعلك

خرجة اسراء برا عشان ترد علي مروان

-الو

=انت مبترديش ليه

-عندي عميله في البيت ومسمعتش التلفون انت بتزعق ليه

=لان……..

لسه هيكمل مروان كلامه قالها محرم بصوت واطي

*متقولهاش هتخاف وممكن تازيها

-مروان رحت فين

=معاكي شويه وهكلمك

-طيب يا حبيبي

قفل مروان من غير حتي مايقول سلام

استغربت اسراء من الموقف ولكن رجعت للست تاني

………………

-انت لسه مش عايزني احزرها

=لان اسراء هتخاف وممكن وقتها الست دي تازيها

-والعمل

=هنخرج راشد

-يعني ايه

=مفيش حل تاني لازم يخرج عشان خطبتك

-لسه 7 دقايق من الربع ساعه

=خااالد

*ايوا يا فندم

=هات راشد وخرجه من باب المدريه حالا

*ازاي دا يعني

-بعتين عند خاطبتي واحده لابسه حزام ناسف لازم يخرج

*خاطبتك اي انت خطابة

-هو دا وقته

=اسمع الكلام يا خالد

*حاضر

دخل خالد بسرعه لراشد وشده واخده يجري لبرا المدريه بسرعه قبل المده ما تخلص

-انت هتخرج غصب عننا الوقتي بس اوعدك المره الجايه مش هسيبك غير عند حبل المشنقه

فتح راشد عينيه وضحك بسخريه

كان مروان واقف بيشوف راشد وهو خارج و هيتجنن من البيحصل

خرج راشد قدام باب المدريه واضرب بالنار في دماغه قدام خالد ومروان و محرم

………………..

وسط الكلام الكانت هي واسراء بيتكلموا فيه رن تلفوها

-ثواني يا استازه ارد

=اتفضلي

……………….

-الو

=…….

-حاضر

قفلت التلفون

………….

-انا اسفه يا استازه لازم انزل حالا وهنكمل كلامنا بعدين

=تمام

وصلتها اسراء للباب وقبل ما تنزل اخر سلمه قالت لاسراء

-كلمي خطيبك

وخرجة

اتصدمت اسراء من كلمتها وجرت علي تلفونها تكلم مروان

………………..

كان مروان واقف في مكانه مصدوم من الحصل وقتل راشد وكل التعب الراح علي الفاضي

قطع صدمة مروان صوت تلفونه

وكانت اسراء

…………..

-حبيبي انت كويس

=انت الكويسه

-انا كان عندي واحده غريبه وهي نازله قالتلي كلمي خطيبك

=الكانت عندك دي مش عميله الكانت عندك دي ارهابيه لابسه حزام ناسف وهددوني بيكي عشان اخرج راشد ولما خرجته اتقتل

-انت بتقول ايه ازاي

=معرفش

-دي كانت بتتكلم معايا علي قضيه انا مسكاها وعارفه كل تفصيله فيها

=ازاي

-معرفش

=اسم صاحب القضيه ايه

-احمد جلال

=تعرفي عنوانه

-طبعا

=هاتيه

قالت اسراء العنوان ل مروان وقفل معاها

…………..

-محرم بيه الكانت عند اسراء كانت بتتكلم معاها في قضيه لواحد اسمه احمد جلال ودا عنوانه

=سعيد هاتلي الراجل دا

*تمام يا فندم

اتحرك سعيد لبرا ومعاه عربيه بعساكر

-كدا الدنيا باظت تاني

=كل الاحنا عملناه باظ يا مروان

-و الحل

=انك تروح سينا باسرع وقت

-تمام

=بس الاول نشوف مين احمد جلال دا ويكون خالد ظبط اموره

-تمام يا فندم

=انا طالع المكتب

قالها محرم وهو بيتحرك باتجاه السلم

اتحرك مروان لخالد الفضل قاعد علي السلم من وقت ما اتضرب راشد بالرصاص

…………………

كانت اسراء رايحه جايه في الاوضه مش فاهمه حاجه وخايفه هي الوقت مش لواحدها في خطر لا واهلها كمان

رجعت مكان ما كانت الست قاعده وتشوف تكون حاطه حاجه

لاحظت والدتها تصرفتها

-اسراء في اي

=مفيش يا ماما بدور علي الحلق بس

-ما انت لبساه اهو

=لالا حلق تاني

-طب ادور معاكي

=لا يا ماما خلاص

وقفت اسراء وبصت لولدتها واتحركت لاوضتها تاني

………………

-كل التعب راح

=لا مراحش خطبتك كويسه ودا اهم حاجه

-الحمدلله

=انت خاطبة امتا

-النهارده الصبح

=وتتعرض لمحاولة قتل بليل دا انت قادر

-هههههههه مش عايز اصدمك بس هي كانت هتتقتل مرتين امبارح من راشد

=دا موضوع كبير بقا

-اوي

=انا بس مش فاهم ليه يقتلوه مع ان دا واحد منهم

-عشان بقا خطر عليهم

=القعده دي مش مفكراك بحاجه

-قاعدة زمان ايام سكن الكليه

=اها لو الزمن يرجع كان الواحد هيصلح حاجات كتير

-صدقني كل الحصل حلو ووحش كان خير لينا

=علي رايك

………………..

كانت اسراء نايمه علي السرير بتفكر في كل الحصل وان كان ممكن اهلها يحصلهم حاجه

-ياااربي هو انا مفيش فرحه تكمل ليا

قالها اسراء لنفسها وهي بتدفن وشها في المخده وتبدا في البكاء

…………………

-يلا نقوم نطلع مكاتبنا نستني سعيد لما نشوف هيوصل لايه

=هو راح فين

-الكانت عند اسراء كانت بتتكلم معاها عن قضيه لواحد عندهم بعتناه يجيب الراجل دا

=ماشي

-لما اشوف عم كريم فين يعملي قهوه

=انا جعان

-هههههههه لسه زي ما انت

=هههههههه اطلبلنا اكل بقا

-اطلب انت

=كبده طيب

-ماشي

ضحك مروان وهو رايح للسلم واتحرك خالد ونده لعسكري وبعته يجيب الاكل

…………………

بعد ساعه

كان مروان و خالد بياكلو في المكتب وبيفتكروا ايام الكليه

دخل سعيد لقاهم سوا

-ايه دا هو انا في جهنم ولا ايه

ضحك الاتنين وقال مروان

=تعاله كنا لسه في سرتك

-وانا اقول كنت هموت ليه

*تعاله حماتك بتحبك

-اها والله بتحبني

قعد سعيد وبداء ياكل معاهم ويتكلموا عن ايام الكليه ويضحكوا

……………….

كانت اسراء بتفكر في ايه ممكن يحصل بعد ما وصلوا لبيتها واهلها ودخلوه وبتسال نفسها

-هل الانا عملته صح ولا غلط؟

طب اهلي ايه الهيحصل فيهم؟

كانت اسراء محتاره ووقفت حيرتها بان هي هتكلم مروان يمكن تفكيرها يقف

……………….

-والله انا كنت حمار ان خسرتكم من الاول

قالها خالد وهو بيضحك

=يا عم انت بس كانت السكينه سرقاك وكويس انك فوقة

رن تلفون مروان وشاف ان هي اسراء

=طيب راجع اهو

وقف مروان واتحرك باتجاه الشباك ووقف ورد

……………..

-هو انا لو مكلمتكش متطمنيش عليك

=والله انا قولت انت هتكوني نايمه

-لا صاحيه مستنياك تكلمني

=معلش اتشغلت شويه بس في الشغل

-عامل ايه

=الحمدلله

-انت بتاكل ولا ايه

=اها كبده

-في الشغل

=اها عادي اصل انا وخالد لسه بدئين نتكلم النهارده بعد 6 سنين وبنرجع الزكريات

-و هو انتم مكنتوش بتتكلموا ليه

=لا دي حكايه كبيره لما اشوفك احكيهالك

-مممممم طيب

=هكلمك كمان شويه لان منه بترن عليا

-طيب

قفل مروان وحول المكالمه لمنه

……………..

كانت اسراء بتحاول تطمن نفسها وتنام وان الحصل مش هيتكرر تاني

غمضة عنيها ان هي تنام ولكن عقلها رفض ان هو يوقف تفكير

………………..

-ايه يا مفعوصه

=انت فين

-في المدريه

=عيزه اتكلم معاك

-خير في حاجه

=اها انا عيزه اتخطب بقا

-نعم يا ختي

=ما انا مش عارفه اتلم عليك

-وجيا تتخطبي الوقتي

=ايه مش فاضي

-لا فاضي

=ايوا وبعدين

-مالك مستعجله كدا ليه

=لان كل ما نتكلم في الموضوع مش بطلع باجابه اكيده

-علشانك عبيطه يبنتي انا و هو بنضحك عليكي اصلا

=ازاي يعني

-يعني انا اصلا اعتبر جوزتك ليه لان انا موصيه ان لو جرالي اي حاجه هو اليكون مسؤل عنكم

=يروح قلبي انت بس بعد الشر متقولش كدا

-بس بشرط

=ايه

-هتستني لما الظروف الاحنا فيها دي تعدي عشان ميتعرضش لخطر هو كمان

=ماشي يا باشا

-يلا امشي

=حاضر سلام

-سلام

…………….

رجع مروان مكانه وبيبص لسعيد ويقول

-يا اخي الواحد مش مصدق ان منه كبرة وبالشكل دا وبسرعه كدا

=ايه الحصل

-هتتخطب اهي

*منه اختك كانت قمر واحنا صغيرين انا فاكرها شويه

=ومازالت قمر

-ربنا يخليكو والله بس احترموا نفسكو دي اختي

=يعم ما هي اختنا بردو

……………..

-اووووف مش هنام انا كدا

قالتها اسراء وهي بتقعد علي السرير

-اعوز بالله من الشيطان الرجيم

اتحركت اسراء وقامت خرجة برا وشغلت التلفزيون وقعدة

خرج والدها من اوضته

-ايه المصحيكي

=مش جايلي نوم

-طيب

قالها ودخل اوضته تاني

كملت اسراء قعدتها

……………

دخل محرم عليهم وهما بيضحكوا

-اكتر حاجه كانت مخوفاني اللمه دي

قالها محرم بهزار

وقف الكل وقال مروان

-اتفضل يا فندم كل معانا

=بعد ما خلصت مش تندهولي من بدري

*اوعدك المره الجايه

قالها خالد

-طب يلا خلصوا واجهزوا عشان تسافروا سينا الصبح في طياره الساعه5 هتاخدكوا توديكوا

=تمام يا فندم

-الساعه معاك كام

=واحده

-تمام معاكوا 4 ساعات

*تمام يا فندم

-سعيد خلص وتعلالي المكتب

=حاضر يا فندم

خرج محرم وقعدوا تاني

………….

-صح انت لقيت الراجل

=طبعا

-جبته

=اوماااال

-هو تحت يعني

=لا

-اومال فين

=في المشرحنه

-نعم

=منا لقيته مقتول

-الله

*كل ما القضيه دي بتطول كل ما ارواح ناس بتروح

انا هقوم اروح اجهز هدومي واشوف ابني

-وانا كمان هعمل كدا

=وانا هروح لمحرم بيه

-وانت معدي انده لعم كريم يلم الحاجات دي ويقفل المكتب

=ماشي

-سلام

سلم سعيد علي مروان وخالد واتحركوا لبرا المدريه

اتفق مروان وخالد ان هما هيتقابلوا الساعه 4 ويروحوا سوا للمطار الحربي

…………….

كان مروان في طريقه للبيت وكلم اسراء عشان يعرفها ان هو مسافر لكن مردتش

كتب ليها رساله لان استندج ان هي هتكون نامت

……………

كانت اسراء نايمه علي الكنبه ومش حاسه باي حاجه فهي غرقانه في احلامها الديما بيكون مروان فيها

……………

وصل مروان البيت وبداء يحضر شنطته وهو بيتكلم مع والدته

-ماما متخرجيش من غير حراسه انت او منه

=حاضر

-بلاش اختلاط بحد انت شوفتي اسراء كان هيحصل فيها ايه

=حاضر يا ابني

-استازه منه مش عايز شقاوه وانا مسافر لحد ما الاحنا فيه دا يخلص

*انت ديما ظالمني كدا

-ايوا انا ظالم

=متقلقش يا مروان

-لا اقلق انا مش ضامن رد فعلهم لما اروح هناك

=خير يا ابني

-ياارب

………………

الساعه 4 خرج مروان من البيت وكان خالد منتظره

-يلا يا بطل

=يلا بينا

……………..

كانت منه في الشباك واول ما شافت خالد اتصدمت ان هو و مروان رجعوا يتكلموا من تاني

-ربنا يستر منك يا خالد

قالتها منه بقلق علي مروان ودخلة

…………….

-فهمت هتعمل ايه يا سعيد

=فهمت يا باشا متقلقش

-عايز عنيك متنزلش من علي التلاته الفتره دي

=حاضر

-انت مراتك وابنك فين

=انا مراتي وابني في الكويت عند اختها

-احسن بردو

=منا بقول لحضرتك هما في امان

-يلا اتحرك

=تمام يا فندم

…………….

وصل مروان وخالد للمطار وهما ماشين وبيتكلموا اتفاجئوا بحاجه مفيش حد فيهم كان يتوقعها

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق