[في الوقت الغلط]
[بقلم الاء خالد ابو العز]
(الجزء الثاني عشر)
-بسرعه يا مريم
=طيب يا حسين
* هااا اكمل ولا كفايه
-لا كملي يا ماما
كان مروان في اوضته بعد ما مر علي الحراسه وسعيد روح
-مروان يلا عشان تاكل
قالتها والدة مروان
=حاضر يا ماما
قالها مروان و وقف وخرج من الاوضه
قعد مروان علي السفره وجنبه منه و والدته وكان الكل بياكل الا مروان فكان بيفكر في كل حاجه
-بطل تفكير وكل
قالتها منه
=مش قادر
-بتفكر في ايه
=في بكرا ورد فعل باباها
-لما يعرف ان هي موافقه مش هيرفض
=انا فرحان ان هخطبها بس كان نفسي كل حاجه تمشي بهدوء واعملها حاجه تليق بيها
-في الفرح بقا
=ان شاء الله
-بس ياريت ميكونش في تهديد بالقتل وقتها لان هقطع علاقتي بيك
=ههههههه حاضر كلي يا مفعوصه
……………….
كانت اسراء مصدومه بعد ما سمعت رفض والدها لمروان
-انا بنتي مش هتتجوز كدا
قالها والد اسراء لاسامه
=هو انا بقولك جواز دي مجرد خطوبه
-من غير ما نعرف مين دا واصله وكل حاجه
=انا عارفه الواد متربي عي ايد اعز اصحابي
-والله كمان ليك اعز اصحاب غيري
=مش القصد يا مسعد
-بردو لا يا اسامه
=طب انت ايه اليرضيك الوقتي
-انا مش راضي عن كل البيحصل دا
=يا مسعد متركبش دماغك
-لا
=بنتك بتحبه وهو بيحبها
اول ما سمعت اسراء الكلمه دي اتصدمة ورجعت لورا
-انت بتتكلم جد
=اومال بهزر
-اسرااااء
قالها مسعد وهو بينادي علي اسراء
اتخضت اسراء اول ما سمعت والدها بينادي عليها
=ايوا يا بابا
قالتها اسراء وهي بتبلع ريقها وبتخرج من الاوضه
-انت موافقه علي كلام عمك اسامه دا
=كلام ايه
قالتها وباين علي وشها ملامح خوف
-ان خطوبتك تكون الصبح
=اها يا بابا بعد ازنك طبعا
-انت كنت تعرفيه
وطت اسراء راسها وهي بتقول
=اها بس مش من كتير
-طب لي معرفتنيش ولي الاستعجال انا حتي معرفش مين دا
*انا عارفه وبقولك راجل وبيحبها و طلبها في الحلال بس مستعجل شويه لظروف خاصه بيه
بص مسعد لاسراء وشاف ان هي زعلانه وخايفه
-طيب انا موافق بس بشرط
رفعت اسراء راسها وبصت لاسامه وابتسمت
*شرط ايه
-اقعد معاه قبل اي حاجه الاول دي بنتي بردو
*حقك وانا هعرفه بس لو لقيته كويس هيتخطبوا قبل ما ينزل
-طيب يلا عشان ناكل
وقف مسعد واتجه للاكل و قرب اسامه من اسراء
-متخافيش هيوافق
=انا خايفه يزعل مننا
-متقلقيش هراضيه انا كلميه بعد الاكل عرفيه
=حاضر
*يلا يا اسامه انت واسراء الاكل
قالتها والدة اسراء
-قومي ياختي
اتحرك اسامه واسراء للاكل بداء الكل في الاكل الا اسراء فكانت بتقطع الاكل ومش بتاكل ولاحظ والدها كدا ولكن اكتفي بالصمت
…………………….
خلص مروان اكل ودخل اوضته يرتاح ولكن دماغه مش بتقف من التفكير كل حاجه بتتراكم عليه حاسس ان هو متغوط ومش عارف يفرح ان هيخطب البنت البيحبها
-طب افرح ازاي وانا معرض الكل للخطر كدا
قالها مروان لنفسه اخد نفس عميق وحاول الاسترخاء
…………………….
قامت اسراء من علي الاكل ولاحظ الكل ان هي ماكلتش اصلا
-ماكلتيش ليه
قالتها والدة اسراء
=ماليش نفس يا ماما
*عروسه بقا ومتوتره صح يا سوسو
قالها اسامه عشان يداري عن خوف اسراء
=اها يا عمو
قالتها وهي بتبتسم
+روحي اعملي الشاي
=حاضر يا بابا
مشت اسراء للمطبخ وهي حاسه ان هي عايزه تعيط لكن بتحاول تتماسك
-براحه علي البت يا مسعد
قالها اسامه وهو بيبص لمسعد
=انا مش مرتاحلك انت وهي يا اسامه
-انت بتثق فيا ولا لا
=اكيد بثق فيك دا انا سايبلك بنتي
-طيب يبقا اتاكد ان مش هعمل غير ال في مصلحتها لان هي بنتي مش زي بنتي وانت عارف
=عارف انا بس قلقان عليها انت مش شايف هي عامله ازاي
-يعم عروسه ومتوتره ولا ايه يا ام اسراء
*اها طبعا تلاقيها بس خايفه شويه
=هو مش المفروض نعرف اخواتها
-لا مش لازم الوقتي استني لما الموضوع يتم وهما هيبقوا يعملوا حفله بعدين اعتبرها تعارف
=طيب
*انا هقوم اشوفها بتعمل ايه
……………..
كان مروان بيفكر فيها وفي ازاي كانت خايفه وبتعيط وقت الحصل وازاي مسابتوش وفضلة جنبه
نط في دماغه لما حضنها وهي بتعيط وحس احساس عمره ما حسه قبل كدا وكان حاسس ان هو عايز يسمع صوتها حالا
طلع مروان تلفونه عشان يرن عليها
………………….
-اسراء
=ايوا يا ماما
-مالك يا حبيبتي انت كويسه
كانت اسراء مشوشه مش عارفه ترد تقول ايه تقول الحقيقه وان هي مش كويسه وخايفه ولا تكدب وتقول ان هي كويسه ومبسوطه
سمعت اسراء صوت تلفونها
=هرد واجي يا ماما
خرجة اسراء من المطبخ وهي بتحمد ربنا علي انقاز الموقف في اخر ثانيه
…………………
مسكت اسراء تلفونها وشافت ان هو مروان وردة
-الو
=الو
-وصلت
=يااااه من زمان واكلت كمان
-الف هنا
=بابا هيقعد معاك بكرا قبل اي حاجه
-حقه وانا موافق طبعا
=تمام عمو اسامه قال انك هتيجي الساعه 3
-اها
=مش خايف
-انا مرعوب من رد فعل باباكي بس مطمن لوجودك جنبي
=انا خايفه يزعل مننا
-ان شاء الله لا
=يارب
-هتنامي
=شويه وهنام نام انت وارتاح
-حاضر تصبحي علي خير
=وانت من اهل الخير متنساش علاجك
-اخدته
=سلام
-مع السلامه
………………..
قفل مروان التلفون وكل الحصل في اليوم بيتعاد قدام عينيه كا سينارو سريع وهو مش قادر يمنع دا
قفل مروان عنيه بشده وارغم نفسه علي النوم والتوقف عن التفكير
………………..
فضلة اسراء مكانها بتفكر في كل حاجه حصلت وبتحصل ليها وكل القرارات الاخدتها من يوم ما عرفة مروان والقرارات الهتاخدها بعدين
قطع تفكيرها دخول والدتها
-اسراء مش هتيجي تشربي معانا الشاي
=لا يا ماما انا هنام
-طيب يا حبيبتي تصبحي علي خير اطفي النور
=اها يا ماما ياريت
قفلت والدة اسراء النور وخرجة ونامت اسراء علي السرير محاولة ان هي توقف تفكير
وقفلة عنيها بنعومه ونامت
……………….
-اسراء نامت
قالها والد اسراء
=ايوا نامت
*وانا هروح انا كمان عشان انام
قالها اسامه وهو بيبص في الساعه
*ياااه الساعه 1 الواحد محسش بنفسه يلا تصبحوا علي خير
-وانت من اهله
اتحرك اسامه ومشي فضل والد اسراء قاعد بيفكر في كل حاجه ومش عارف يتصرف ازاي
……………….
الساعه 10 الصبح فتح مروان عنيه علي الم كتفه فالمسكن راح مفعوله
دخلة والدته عليه بهدوء وهي بتحاول ان هي متصحهوش
-انا صاحي يا ماما
=كنت بطمن عليك
-لسه صاحي
=ايه الصحاك
-كتفي وجعني وكويس ان صحيت عشان ارتب كل حاجه اجهزوا علي الساعه 2 انت ومنه
=حاضر قولت لمحرم
-لا لسه هكلمه الوقتي
=طيب انا هروح احضر الفطار وانت قوم خد حمامك كدا وفوق عشان تفطر وتاخد العلاج
-حاضر
………………..
كان والد اسراء قاعد علي السرير بيفكر في ازاي هيرحب بيهم او بيه ويتكلم معاه ازاي
-سرحان في ايه
قالتها والدة اسراء
=مش عارف يا وحيده اعمل ايه
-في ايه؟
=في الناس الجايه دي حاسس ان في حاجه انا معرفهاش
-البنت شكلها بتحبه فعلا زي ما اسامه قال
=طب لي مخبيه علينا
-معرفش
=طب هقابلهم ازاي؟
-هترحب بيهم طبعا ونكرمهم دول في بتنا وجايين يخطبوا بنتنا
=تفتكري يا وحيده ظروف ايه الممكن تخليه مستعجل علي الخطوبه كدا دا ظابط يعني مش مهندس او دكتور ممكن اقول ان مسافر
-كله هيبان بعدين يا حاج انا هقوم اصحي اسراء
=طيب
……………….
دخلة والدة اسراء اوضة اسراء ولاحظة ان الشباك مفتوح واسراء قاعده في الشمس علي الكرسي الهزاز بتاعها
-انت صاحيه اول مره تحصل
=مجاليش نوم من بعد الفجر
-هتنزلي النهارده
=لا مش رايحه في حته
-مش هتجيبي طقم جديد
=عندي واحد في الدولاب
-طيب يلا عشان نفطر ونجهز البيت معتش غير 4 ساعات ويجوا
=حاضر هاجي وراكي
بدات اسراء تتحرك من مكانها بعد 10 دقايق من خروج والدتها ولما اقنعت نفسها ان هي تنسي كل الحصل وبيحصل وتفرح فهي هتتخطب للشخص البتحبه
………………
خرج مروان من اوضته واتجه للمطبخ
-ماما
=نعم
-منه فين
=لسه نايمه
-طيب برايك كدا اخد دبل معايا ولا لا
=والله خدهم معاك لبستوها خير ملبستوهاش وقالوا تستني مفيش مشكله
-انا قولة كدا بردو طب انت راضيه عن اسراء
=هي محترمه وطيبه وكفايه ان هي وقفه جنبك في الظروف الصعبه دي
-انا هروح اكلم محرم بيه
=طيب
…………….
خرج مروان من المطبخ وطلع تلفونه عشان يكلم محرم وهو بيقول لنفسه
-هيزعقلي عشان جاي اعرفه قبلها ب 4 ساعات
…………….
في المدريه في غرفة التحقيقات كان محرم وسعيد بيتابعوا التحقيق مع معاز الكان بيساعد مروان بالاخبار
-باشا هو مش المفروض مروان كان يحضر التحقيق
=انا كنت هخليه هو اليحقق معاه بس بعد الحصل امبارح لا كفايه عليه كدا
-يعني القضيه هتسلمها لخالد وهي قضية مروان
=الجماعه دي من الاول كانت مع خالد فهو هيكمل شغل عليها
-تمام يا فندم
=اهو مروان بيرن كمل انت التحقيق وانا هخرج اكلمه
………….
-الو
=صباح الخير يا فندم
-صباح النور يا مروان اخبارك ايه
=الحمدلله يا فندم كنت عايز حضرتك في حاجه بما ان انت المربيني وفي مقام بابا الله يرحمه
-قول
=انا هخطب النهارده
-النهارده
=ايوا
-والمطلوب
=تيجي معايا
-هي البنت المن عند اسامه صح
=ايوا هيا
-ليه الاستعجال
=عشان اعرف احميها
-هتروح امتا
=الساعه3
-انا المفروض اقول لا لان انت جاي تبلغني قبلها ب 4 ساعات بس ماشي هاجي
=معلش انا اسف
-يلا مش مشكله
=شكرا ليك
-مع لسلامه
……………..
قفل محرم و هو بيفكر في الخطوه المروان هياخدها دي في صالحه ولا لا ودخل غرفة التحقيق تاني بهدوء
…………….
قفل مروان مع محرم وبداء يجمع في افكاره الحاجات الهو محتاجها عشان يكلم سعيد يجبها ليه
……………
-سعيد
=ايوا يا باشا
-انت عارف ان مروان هيخطب
=ايوا هو اخد القرار وانا معاه امبارح
-وانت رايك ايه
=من النحيه الشخصيه هما بيحبوا بعض ودا هيسهل عليه حاجات كتير من النحيه العمليه هو هيساعده في حمايتها قدام اهلها بس مش عارفه هيفيده ولا لا
-انا بردو كنت بفكر في كدا
=والله يا فندم كل واحد عارف مصلحته
-انت رايح معانا
=لا انا هكون بمر علي الحراسه
اثناء كلام سعيد مع محرم رن تلفونه
-مين بيكلمك
=مروان
-طب اخرج كلمه وانا هكمل
…………….
-الو
=انت فين يا ابني
-في المدريه
=عندك شغل
-بتابع التحقيق مع محرم بيه
=هو التحقيق بداء
-ايوا خالد بيحقق
=طب وايه الاخبار
-والله معاز الكان بيساعدك دا فاد خالد بعلومات كتير هتساعده الفتره الجايه ومحرم بيه هيفرج عنه لان اثبت ان هو منزلش في اي عمليه قبل كدا ومفيش حاجه تدينه
=وراشد
-راشد قافل عنيه و بوقه ومش راضي يتكلم لدرجة ان خالد فكر يستعمل معاه التعزيب
=هو خلاص خالد اخد القضيه
-انت ناسي ان هي معاه من الاول واحنا النزلنا الماموريه
=اها طب الباقي
-باقي ايه
=التقبض عليهم من يوم الماموريه
-ما انت طنط قطعت كلامي واحنا في المستشفي
=ايه الحصل
-شنقوا نفسهم في السجن
=يعني كل العملناه راح علي الفاضي
-راشد معانا متقلقش
=طب خلي بالك لا يعمل زيه
-اكيد كنت محتاج حاجه
=كنت عايزك تجبلي شويه حاجات لان مش عارف انزل
-طب قول
=عايزك تجيب دبلتين وبوكيه وارد محترم و شكولاته
-الدبل المقاسات
=هات الحريمي اصغر مقاس وانا نفس مقاسك
-طيب هجيبهم واجيلك
=ماشي
سلام
………………..
قفل سعيد ودخل لمحرم استازن منه ان يمشي ومشي فعلا
عشان يجهز الحاجه لمروان
……………….
بعد ساعتين
كان مروان في اوضته بيرتب لبسه والساعه والبرفان
دخلة منه عليه
-يا سيدي يا سيدي تصدق عمري ما شوفتك مهتم بلبسك كدا
=عشان النهارده غير يا لمضه
-طيب انا هروح افطرانت اكلت
=ايوه
-طيب
مشت منه خطوتين ورجعت وقالت بخجل
-مروان بقولك
=قولي يا حبيبتي
-احم رامز كان باعت ليك سلام وكدا وكان عايز يجي يعني يتكلم معاك
=وانت مالك موطيه راسك وبتتكلمي بصوت واطي كدا لي
-احم لا عادي
مسك مروان راس منه ورفعها ليه
=منه يا حبيبتي اوعي راسك دي تنزل كدا تاني حتي قدامي انا عارف انك خايفه مني بس انا واثق فيكي
-ربنا يخليك ليا
قالتها منه وهي بتحضنه
=طب يلا روحي كلي ولو سمعتي الكلام النهارده هتفق علي معاد مع رامز
-يعيش ميرو يعيش
قالتها وهي بتخرج من الاوضه وبتضحك
ضحك مروان علي اخته الشبه الاطفال ومش قادر يقتنع ان هي خلاص كبرت و هتتجوز
………………
كانت اسراء خلصت تنظيم البيت مع والدتها ودخلة اوضتها عشان تاخد حمام وتبدا تجهز نفسها
رن تلفون اسراء وكان مروان
………………
-الو
=الو
-ايه الاخبار
=مممممم متوتر من مقابلة باباكي
-هههه بابا طيب بس هو بس مستغرب الوضع
=ربنا يستر انت اي الاخبار
-بحاول اهدي واقلل خوفي
=خير ان شاء الله
-يارب
دخلة والدة مروان و هو بيتكلم
-مروان سعيد برا
=طيب يا ماما
=حبيبي انا هقفل واكلمك لما اجي نازل
-ماشي سلام
…………….
خرج مروان لسعيد وبدا يتاكد من كل حاجه جبها
-انت هتيجي معانا
=لا انا همر علي كل الحرس
-لي
=مش المره دي
-طيب
=هسيبك تلبس بقا ومحرم بيه جاي في الطريق
-ماشي
…………..
دخل مروان اوضته بدا يلبس وبعد نص ساعه وصل محرم وقعد يشرب قهوته مع والدة مروان و مروان لحد ما منه تخلص لبس
-يلا يا بنتي اخلصي
قالها محرم
=حاضر يا عمو خلاص اهو
قالتها منه من الاوضه
-ياني علي البنات بياخدو ساعتين يلبسو بس بردو زي السكر
=ومالو تحب الفهالك هديه وتاخدها
-بس يا ولد دي منون عسوله
=اها يا عسوله لما يعرف
قالها مروان بصوت عالي عشان منه تسمع
-اعرف ايه
خرجة منه مسرعه وهي بتقول بلهفه
*ولا حاجه يا عمو مروان عريس وبيخرف بس
ضحك الكل وقال محرم
-طب يلا عشان منتاخرش
……………
كانت اسراء في الوقت دا بدات تلبس وتجهز الميكب بتاعها
واهلها بيجهزوا بردو
…………….
الساعه 2:30 اتحرك مروان مع محرم واهله لبيت اسراء
وكان اسامه وصل عند اسراء واسراء بداه تتوتر والخوف يظهر عليها
مسك اديها اسامه وقالها
-متخافيش هتعدي علي خير
=يارب يا عمو يارب
……………
وصل مروان تحت بيت اسراء ورن عليها
-الو
=انا تحت
-تمام
قفلة اسراء ووقفت وقالة
-تحت البيت يا بابا
وقف مسعد واسامه علي الباب وفتحوه للترحيب بيهم في حين كانت اسراء واقفه لورا شويه وكانت بتترعش من التوتر
-كفايه كدا يلا ناموا
=اوكي
