الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

إتيكيت التصالح مع النفس

- Advertisement -

كتبت / هايدي سلامة

الباب اللي ربنا أراد إنه يقفله ما تفتحيهوش مرة تانية، ابعدي وفوضي أمرك لله.. السكة اللي فيها وجعك وكسرك ما تمشيش فيها واختاري الطريق اللي فيه راحتك حتى لو هتتوجعي في الأول بس هتكسبي نفسك وراحتك طول العمر.. ودايمًا خلي في بالك إن ربنا دايمًا شايفلك الأحسن مهما كنتي حزينة أو موجوعة وتدابيره ليكي أفضل بكتير من تخيلاتك.. اطمني
ميزتك بتكون في اختلافك عن الآخرين مش إنك تكون شبهم في كل حاجة.. التقليد الأعمى بدون فهم بيخليك دايمًا واقف مكانك معندكش وجهة نظر في حاجة معينة.. ولكن اختلافك هيخليك مميز في عيون غيرك:

* اشتغل على مميزاتك اللي مش عند أي حد غيرك
* دور على نقاط قوتك وحددها وابتكر واشتغل على نفسك
* ماتعملش زي كل ما الناس ما بتعمل خلي عندك فكر خاص بيك.. خد اللي يناسبك وسيب اللي مش ماشي مع شخصيتك
* صاحب ناس مختلفة عنك تقدر تستفاد منهم ويعلوا من شأنك

مفيش مشكلة لوعجبتك فكرة وحاولت تعمل زيها ولكن تبقى مختلفة بطباعك وشخصيتك ومتوافقة معاك وتقدر تظهرها بطريقة مختلفة عن غيرك.. خلي اللي يشوفك يتمنى يكون شبهك
أحيانًا إحنا اللي بنحط قواعد لحياتنا تخليها أصعب وتقيلة علينا.. في حين إنك لو مشيت أمورك بطريقة مختلفة وغيرت طريقة تفكيرك.. ممكن تعيش حياتك بشكل أسهل من اللي متعود عليه.. معروف إن الحياة صعبة ولازم تعافر فيها لكن ممكن تسهلها على نفسك

* ماتشغلش وقتك وتفكيرك كتير بالناس لأنهم مش بيهتموا بيك زي ما بتكون متخيل
* ماتقارنش نفسك بغيرك حاول تحسن من نفسك وبس
* ماتعليش سقف توقعاتك مع الناس عليها مع ربنا وبس
* ماتدخلش في حياة غيرك إلا إذا هو سمحلك
* ما تتوقعش إن كل الناس هتمشي على نصايحك أو زي ما أنت عايز

كل لما تسهل على نفسك أمور كتير كل لما هتلاقي حياتك أسهل بكتير مما تتخيل.. بس أنت جرب وحاول تغير من طريقة تفكيرك ….اتصالح مع نفسك

 

- Advertisement -

قد يعجبك ايضا
اترك تعليق

يرجي التسجيل لترك تعليقك

شكرا للتعليق