( صرخة السكوت )
بقلمي الشاعر/ محمد غبن
شاعر آل غبن / سفير سلام دولى
2/12/1020
ياصرخه جوانا وبنداويها
من زمن………………….بالسكوت
فاض الكيل وحالفه
تخرج للحياه وتعلى……بالصوت
بحاول معاها بلاش تخرجى
إلا فى ساعة النهايه والموت
ردت عليا النفس تعبانه والروح
مايملكهاش إلا خالق الملكوت
اللى ليه كلنا بنصلى وبنعبده
وحقه علينا فى………… السجود
مش هوا خالقنا وعارف
قد أيه هنعيش وإمتى هنعود
يارب كلنا عبادك والطاعه ليك
واجبه من غير………………قيود
إبعدنا عن هواجس إبليس
بينخور كمثل السوس فى العود
ياصرخه جوانا كفايه علينا
شربنا من الحياه كتير………..مرار
بنعافر وبنتحايل عليها وأحلامنا
يطلع علينا كل يوم…………….نهار
يخرجنا من حالتنا ولا إحنا إتولدنا
فى زمن مفهش لينا…………إختيار
ياصرخه جوانا ومن
زمن بنداويها…………….. بالسكوت
فاض الكيل وحالفه
تخرج للحياه وتعلى…….. بالصوت
أرجوك مش هنضايقك بس
متخرجيش إلا ساعة النهايه والموت
