مالك يا ضي

مالك يا ضي
=========
مالك يا ضي عيني
حاسة إنك تعبان
قولي وريح حنيني
ليه انا شيفاك حيران

سمعني بس صوتك
حساك انا من سكوتك
وسمعة نبض قلبك
انفاسك وشرودك

عارفة بداري حبك
مش عايز تشكي همك
بس انا حتة منك
وعايشة جوة قلبك

ضم ايديك في ايدي
أهدى وطمن عينيك
مهما الزمان بعدنا
أنا مش هكون غير ليك

وحياة انا حبي ليك
وحياة نظرة عينيك
انا ابيع الدنيا ديا
والعالم واشتريك

مهما يطول بعادك
ولا تزود عنادك
هيفضل قلبي جمبك
مخلوق وعايش عشانك

اعرف قلبي ده ليك
وتملي بين أيديك
عمر ما يقسى عليك
ولا ينسى لياليك

متقولش كلمة حبيبي
عارفة إنك زهقان
من الدنيا واللي فيها
والعيشة دي كمان

انا بس اللي احسك
وقلبــي مشغول عليك
بيني وبينك بلاد
وعارفة أنا إيه اللي فيك

روحي دايما معاك
فايتة قلبي وجياك
صدقني يا حبيبي
انا حواليك ومحوطاك

انا بتنفس عشانك
انا هنا وانت مكانك
قلبي هيفضل مكانك
ولا يوم ولا مرة خانك

حبيبي الله يخليك
قلبي ملهوف عليك
بروحي انا افديك
طمن قلبي عليك

مالك يا ضي عيني
حاسة إنك تعبان
قولي وريح حنيني
مالك شيفاك حيران

2020 /18/9
:
#ماجدة_البهيدي
:

Share on Facebook

Post on X

Follow us

Save