/ إش جاب..لجاب!/
*************
مين اللى ينصفنى بزمانى
يُرد فيًَه الروح
ويفُضً عنى الحزن ويداوى
الجروح
قلبى اللحوح لسًَاه فاكرها
حبيبتى اللى الموت خطفها
ف لحظه وحرمنى غرامى
كانت حنونه ومن كلامي
بتستحى
وكانت حياتى ودنيتى
وطوق الحنان
رحلت وضاع منى الهنا
وبرً الأمان
وقابلت من فترة صبية
مغندره وحلوه وعنيها
-مدوًره- خلتنى ادوب
فى العشق , من تانى
لعبت بقلبى وروحى أاااه
وخادتنى لزمانها
لكنى بعد السكره..فُوقت
لقيتها زى شيطان غوانى
عشان ابقى اسيره وانسى
ايامى وزمانى
بعدت عنها وقلت انا مالى
راح انسى أمرها
لكنها قابلتنى تانى وهيًه
فارده شعرها/
قلتلها مين جابك هِنا
قالتلى قلبى دلًِنى لهواك
وياريته يجمع شملنا
بس ان وافقت , انا ليًَه
شرط عشان نعيش زى
البشر احباب
العصمة تبقى ف ايديًه
وتبقى طوع أمرى كده
من غير خصام
وقِف الكلام ف لسانى
واصابنى الخرس
بحلقت ف عنيها الجريئه
وقولت ازاى ؟
قالتلى شوف انا مين يابيه
وانت تبقى ايه/ واش
جاب..لجاب
انا لـو رموشى بربشت
الفين يشاورولها
ولو نسيت رباط الشوذ
بلاقى كتير بيتهافتوا عليه
قولتلها ده كله ليه؟
قالتلى انا حوًَا وجميله وف
جرابى الكتير
انا بير غويط وخطير ومين
يقدر عليه
قولتلها انا اقدر أجيب آخر
قرارك واحتويكي
واطهًرك م اللى انتى فيه
قالتلى شكلك مش لحوح
وانا مُهره شابه وعاوزه
أعيش
قولتلها بُصى ف عينى
وقوليلى وم تخبًِيش
انا ميًتى زمزم , فرات
اتهنًِى بيها واشربى
قالتلى قولك م افهموش
ولا كان هوايا ومطلبى
اش جاب.. لجاب
قلتلها ده فصل الخطاب
يالا فوتينى وغرًَبى!
***************
الشاعر/أحمد عفيفي
دمياط/ مصر
إش جاب..لجاب!
