الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

النهارده بالليل….

- Advertisement -

النهارده بالليل….

الشاعر:عاطف محمد

- Advertisement -

أنت جاية
قاللى احساسى…. بصراحة
هى جايه
أيوه جايه
جايه من أنهى طريق
مش مهم
المهم تكون هنا
يبقى لازم م الفرح
أعمل زينات
أعمل حاجات
هاانسى اسمى
هاانسى رسمى
إلا هى…
ارسم فى حفلة سوسنات
وارش عطر الذكريات
فوق ملابس شوق وحب
راح ازين بيها نفسى
راح تكون مظبوطة ظبط
لونها شوق ونسيجها حب
حتى ورد الدنيا
أعلن
أنه غار
أيوه غار
والغيرة واضحة
غار عليكى حتى منى
أصله غار منى أنا
والنجوم جوه السما
عملت نميمة بس حلوة
مش لئيمة
ليلى شارك ف النميمة
قال بكل الاشتياق
النسايم خارجه دوغرى
خارجه
من وسط الحروف
ماشيه عادى ف خط هادى
شايله وجع القلب كله
شايله.. المرارة للفراق
شايله شمسه
وشايله ضله
عايزة توصل للحدود
بس فين هى الحدود
هل فى ….طيفها وشكلها
ولا رقة وجهها
ولا بسمتها الرقيقة
ولا كلمتها البريئة
جوه ف عيون الوجود
النسايم فيها جود
بس خايف يوم تتوه
بين رموش الننى تهرب
أو يضيع منها الطريق
جه خلاص وقت الوصول
دق وقت الانتظار….
أعلن نهار …
ف…. الليل بدأ
ليل مصبح
فيه سماحة
القمر قال لى بصراحة
أنه أعلن انسحابه
ايوه أعلن انسحابه…
مش هايرجع يوم مكانه
شكله أيه ف وجود جنابها
لما جيتى
راح يلام سعبين تلاف
وفي جماله راح يواجه
لاختلاف
هايطلعوا مليون نقيض
فقال بسرعة
اختفى
ابقى بعيد
كل الزمن
تاه ف حكايات
أنت ماضى ولا حاضر
ولا بكرة بذكريات
يعنى مستقبلنا ماضى
ولا ماضى
مستقبل جديد
كنت واثق أن نفس العزة
خارجه كتير باهية
هى….. هى
خارجه من روحك أبيه
واقفه شامخة
وليها لمحة
نورها لامع
رحت سامع م إللى غار
من الورود
أو حتى م القمر البعيد
قمت حاطط
بين غصونه
وجوه لونه
كل أسرار الهوى
و يا الجوى
حتى إللى تاه من الحروف
جوه طيفك والحضور
جوه العيون بين السطور
قلت اقول كل الكلام
أنقل الإحساس….. حرام
انقله بكل المعالم
الله عالم
اتوجعت بشوق جنابك
والقلب م اللوعة
صريع
مرمى ف طريقك
لعل ايديك تلتقيه
وتعيده جوه ف الضلوع
المهم أنك حضرتى
قمت عامل 100وليمة
من ضياع لحظة لقانا
أو فراقنا أو حضورك النهارده
الولائم مستحيل
ناكلها بارده
طب هاتيجى منين بروده
واللهيب تحتيها ساكن
دمه داكن بالحرارة
دم شارى ماعمره باع
كنت شاعر
بالضياع
والتوه دايما
جوه قلب بيشبهك
جوه روح تشبه لروحك
بس فقت
عاد جميع الانتباه
حتى صوت تنهيد لقانا
ماانتظرشى
قام بصوته
أعلن العصيان
لصمته
شوقه غلبه
راح يقيد كل الشموع
بينها لهفة وألف خطفه
اختطفت كتير لعينك
للحنين جوه ف سنينك
للمعالم والمدن و يا البحور
للعبير إللى اترسم
فوق كل سور
جوه نور
طيف الحضور
وانتفض شلال دموع
من شموع الود والأحلام
بهمس
والقلب دقاته طوفان
مليان بذخ
فرق ف دمه
ع الطريق
رسم خريطة للوصول
جوه فى ملامحه
حتى قمحه راح منادى ع الغلابة
بينا لمة ….. يلا شلة
شال ف حزن اللوعة
لما …..
اتفارقنا من يومين
مش مهم
المهم
انك حضرتى
وأن بوجودك ……..
………هاعيش
وان فارقتى
وغبتى تانى
ماتعبيش
على أى حزن
وأى دمع
وأى صمت
وأى صوت
واكتبونى
الحالة ……..موت

.

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق