……………
وفتحت شباك للهوى
ضلفه و نص …
لحظات ووقعت عالجيران
ما لحقيت أبص
يوماتي أقوم بالشكل ده
ابص افتش ده وده
ألمح ده راح وده شكله جاي ..
طلت عيوني ..
على نسمه قالولي
ده أبوها مأذون
عنده خدوني
لكفيتوا كده حالي في شهور وحلالي
قنديل في الدار ..
طلبات بالكيلو اوزن عبيلوا
اكلها عيش فينو كاتشب وخيار
طبخات عالمينو أرمي وعديلوا
ده شياط بالكوم زاد ملحي مرار
عديت سنتين ودليلي إختار
شيخ حتتنا الشيخ مختار
زهقان وحكيت في مرار طقيت
حتى الطبخه أكلها ملوووح
لقمه و لقمه انا بتعذب
والروح هاجي يوم
وفى أكله تروح
إخزي شيطانك أقوم بيتك روح
وإثني عليها جدد فيها روح
حطيت لي الاكل وبسم الله
الله الله .. تسلم ايديك
ما شاء الله كمان ما احلى طبيخك
…. ولا مرة بتشكر كده أكلي
بقالك سنتين ..
… تستخسر فى الكلمه الحلوة
وتماللي حزين
… وبتشكر كده قدام عيني طبيخ
أم حسين …
منحوس منحوس عارف نفسي
انا هتجنن رسمي ونظمي ..
والشيخ مختار حد يقوله
خد بنصيحتك
أدعيله تعدي
عليه ليلته
باين أخريتي جت على أيدك
مش راح اسامحك ..
المره اللي بشكر فيها
قولنا طبيخها
طلع أم حسين
مش قولت لكم
منحوس مترين ..
ذبقلم .. صبري رسلان
منحوس
