مش قولنا ..
سيبك من اللي سابك
يوم وباعك
ده ما همهوش دمعه عينيك
ورضاه بخداعك ..
يومين وشوقك حن له
شايفك رايح له
وبتنسى دايما غلطته
وتداري جرحه ..
لساك بتنزف من الوجع
فيه ايه جرالك ..
ومهما ترسم ضحكتك
بان حزنه طالك ..
إزاي يا قلبي له تأمن
مرة تانيه ..
جواك في جرح ما إتقفل
ما بيهدا ثانيه ..
ظلمت نفسك ليه تعيش
على وهم زايف ..
وناسي إنك قولت لي
من قربه خايف ..
إرجع يا قلبي من سكات
ما بلاش عناد ..
لو كان للحظه شاري فيك
كان وحده عاد ..
عاوز تكرر غلطتك
هانت ليه روحك
بأيديك بتضعط عالوجع
كاتم جروحك ..
ياما قبل منك فى الغرام
وقعوا ضحايا ..
ووقفوا تاني وقرروا
ينهوا الحكايه ..
فكر بعقل وإنسى ذكرى
جدارها داب
ياما مر همسه ما حسناش
ما وجوده غاب
أخره عنادك ما أنت دوقت
مرار عذابه ..
ولا أنت أول من غلط
ويعيد حسابه ..
تطاوعني إقفل حب كان
خوف مش أمان ..
دقاته جواك إنتهت
وما لوش مكان ..
بقلم .. صبري رسلان
