الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

حب زائف

- Advertisement -

……………..
ما خدتش ليه بالك
ليه يا قلبي
ما خدتش ليه بالك
دي راحت و عديت كام مرة
وفاتت قبالك
أحكي لي ايه صابك فجأه
وجالك و نابك ..
فاكرك .. هتيجي تفرحني
بكيتني بغيابك
هتقوللي ايه بيني وبينك
ما غرقت فى هيامك
وده وقته تسرح في دلالها
وتوه عينيك تنسى مكانها
هنلف تاني نسأل عنها
ونقول يا مين ..
نوصف نقول أيه في جمالها
بستان وماشي على قدامها
ضحكه عيون ولا فيه مثالها
تشفي العليل
من نظرة توهنا وتاه حالنا
إحترت فيه أيه ده جرالنا …
دورنا في يمينها شمالها …
كل العيون مشغول بالها
وقمرنا فين ..
راجع لي كده شوف دقاتك
وإحسب هيامها ونظراتك
يمكن غلطت في خطواتك
ده البال حزين ..
على بعد خطوات ولقيتها
جاتني الجرأه أمشي لبيتها
عقلي يقوللي ما تسألها
أرد تاني هنخسرها
خليك تقيل …
بصراحه سهران وما نمتيش
رجعت تاني .. خوف
وما خوفتيش
عشمان وناوي أطلب أيدها
طلعت لي أمها وخاليتها
متجوزه تطلب ايدها
بنت وولد دول خلفيتها
غلطت يا أبني في عنوانك
وأمل دي أختك عقبالك ..
ولك نصيب لساه ما جالك
أصبر له حين …
ماخدتش ليه بالك
ليه يا قلبي
ما خدتش ليه بالك
دي الغلطه اللي كام دي بتغلطها
وإحساسك ما صابك ..
صفحه غرامك وإقفلها
وريح لي بالك ..
هتقوللي فيه دقه غريبه
مش هسمع كلامك ..
حبك وبان كله مزيف
فشلت في حسابك
إحساسك بيغلط وتسيبني
أحزن بدالك ..
بقلم .. صبري رسلان

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق