كتبت راي /المطربه مها ضاحي
#والله_كبرتوا_الموضوع_يا_شباب ،ومش أقصد بكدا أنه مش كبير لا بس بصراحه أنا شايفه أننا أديناله أكبر من حجمه بصراحة وشايفة بردو أن عدد البوستات والإنتقادات الي أتوجهت #لدينا #مراجيح_وجو ? زادت من شهرتهم أكتر من المشهد نفسه الي نص الشعب دخل أتفرج علية بعد البوستات الجميلة الي نزلت ،
أكيد أنا زي زي شباب وبنات كتير مقهورين علي تعب سنين وجري وراء حلم وفي الأخر نلاقي ناس ملهاش فيها هي الي بتظهر وبتتشاف ،بس خلينا نتكلم بالمنطق بس مش الأصول المنطق بيقول أن في بلدك أي منتج أو مخرج بيجري وراء الترند والي محقق نسبه مشاهده عالية الا من رحم ربي لانه من حقه هو كمان يدور علي مصلحته الشخصية والعائد المضمون وايه هيحققله نسبه مشاهده عالية لأنه ببساطه المخرج دا مش أبن خالتك فهيجازف بيك لمجرد أنك ممثل شاطر أو بيتقال عنك أنك شاطر وبتسعي .
#الخلاصة أسعي وخليك في طريقك وأكيد ربنا كتبلك خير هيجيلك في يوم علي قد تعبك لأن ربنا مابيظلمش حد وحتي لو قعدت تعافر 100 سنه في مجال وملقتش منه نتيجه خلاص أعرف أنه مفيش خير ليك فيه وأكيد بردو ربنا هيعوض تعبك خير في حاجه تستحقهاا .
عارفه أن كلامي ممكن ميعجبش ناس كتير بس دي وجهه نظري المتواضعه الي ممكن تكون بلا قيمة عند البعض منكم.
#كفايا أرجوكم نرفع في سعر الي بلا سعر ونرجع نزعل أننا مش مشهورين زيهم أو أزاي أخدوا فرصة وأنا لا مع أن أنا الي أحق بيها.
