كتب :أحمد عبد الحميد ..
استمرارا للنماذج المشرفة والتي يسردها لنا العقيد مدحت الحنفي قائد الكتيبة ١٠٣ والذي كان قائد الشهيد أحمد المنسي وتكرر ذكر اسم العقيد مدحت الحنفي في مسلسل الاختيار وتسلم منه المنسي القيادة ، حيث بدأ حديثه بقوله هما دول رجالة منسى وهى ديه الروح القتاليه اللى بثها فيهم
هما دول رجالة ال١٠٣صاعقة
هما دول الرجالة اللى بيحمو مصر هما دول واللى زيهم فى رباط الى يوم الدين ، ويقدمون أرواحهم فداء للوطن ونسمع اسم الشهيد المجند علي علي في أغنية( قالوا ايه علينا )
استشهد هذا المجند البطل ب٣٠ طلقة
الشهيد جندى مقاتل بطل مجند علي علي. من الجماليه كانت مهامه إنه بيعمل اسطمبات من الجبس ويبيعها.. شخص سنه لا يتجاوز ٢٠ عام .. تخيلو بسببه الارهابيين مقدروش يوصلو للدور التاني في المبني في الوقت اللي كان ٧٠% من قوة الكمين استشهدت .. كان اي فرد يقع مصاب او يستشهد كان يحمله و يدخله غرفه وهو الذي يحرس الغرفة حتى لايستطيع الارهابيين الوصول إليهم .. من كلام احد الاشخاص اللي كان مصاب في الغرفه بيحكي ويقول أن علي علي ظل واقفا علي مطلع السلم في الدور التاني واي حد يقرب كان بيقتله .. لدرجة إنه أصيب و وقع علي بطنه … وهو واقع علي بطنه ماسك السلاح وبيزحف ومكمل ضرب علي اللي بيحاول يطلع .. وهو خلاص بيموت كان طالع واحد من الارهابيين .. راح قاتله برضو بعدها وقع شهيدا .. تخيلو الشخص ده كان راعب الارهابيين وعطلهم لحد ما وصل الدعم .. ولولا هو كان الارهابيين وصلوا للدور التاني وقتلوا كل المصابين و وصلوا للقائد الشهيد منسي و .تخيلو الشهيد مجند علي علي استشهد باصابته ب ٣٠ طلقه.. تخيلو إن شخص بيموت علشان يدافع عن جثمان أشخاص ميته أو شبه ميته .. تخيلو ٣٠ طلقه وهو صامد بيقتل فيهم لحد قبل ما يستشهد ب ثواني يقتل آخر واحد منهم كان بيحاول يطلع الدور التاني .. ده شخص طبعا محدش يعرف حكايته أو سمع عنه .. اسمه لم يذكر سوي في أغنية قالو ايه علينا .. في مقطع علي علي من الشجعان .. بس للأسف محدش كان يعرف هو مين علي علي ..ومحدش من الاعلام ذكر اسمه … فقولت أعطيه حقه .. ربنا يرحمه و يرحم شهداء قواتنا المسلحة البواسل الذين يقدمون نماذجا مشرفه
حارس الشهداء قصة بطل عقيدته من حديد
