خواطر بقلم .هبه عزازي
في الظروف اللي بتمر بيها البلد من سرقه الملايين والمشكله إن اللي بيسرقوا دول ناس مستواها العلمي والمادي بيبقي عالي جدا يعني بوظيفتهم بهوات وبشاوات بيأكلوا كويس جدااااا .وبيلبسوا كويس جدااااا. وساكنين بأرقي اﻷماكن ..ومش لازم لهم إنهم يسرقوا ولا ينهبوا ولا ياخدوا رشاوي !!…فيه ناس تانيه علي النقيض خااالص بتستحرم الجنيه الحرام علي أولادهم وبتستحرم الطمطمايه الذياده بالميزان وبستحرم تلاقي محفظه مليانه فلوس بالشارع وما توديهاش الجامع علشان ينادي بالمنطقه عن وجود محفظه عثر عليها واللي يقول علي مواصفاتها وفيها مبلغ كام يجي ياخدها .لسه فيه ناس ببيوتها مقفوله ومتعففين بتأكل عيش وجبنه وقافلين علي نفسهم وبيقولوا الحمد لله علي نعمه الستر والصحه .لسه فيه جيران بتبعت لبعضها طبق أكله محشي وحته فرخه عليه ولا طبق ملوخيه والتقليه عايمه عليه وياسلام لو طبق بصاره ..لسه ولسه ولسه فيكي يا مصر ناس طيبين .
ا
لسه فيكي ناس طيبه
