بقلم/ هويدا الرزاز
من ضمن علامات ” صبرك الجميل ” إن الناس تشوفك تفتكر إن مفيش عندك أي مشاكل، دي ميزة على فكرة، و ميزة كبيرة ( أن يستوي حالك في النقمة و النعمة )، فـ دي حاجة تفرحك لما تلاقي الناس بتشوفك كده، شخص معندوش مشاكل و انت ربنا وحده الأعلم بحالك، لأنك تظهر الجانب المشرق في شخصيتك و بتضحك و راضي، فلا تحاول أن تثبت لمن حولك إن عندك مشاكل وانت لا تظهرها !، لأ، تثبت لأي أحد أي حاجة من الأساس ، يكفيك علم الله بيك، و رضاك بقدره اللي ظاهرة عليك دي من اعظم النعم، أحمده عليها كتير أوي إنك شخص بيُتقن ” فن التألم الهادئ “، أنت ماشي على خُطى النبي مُحمد صلى الله عليه وسلم :
كان أثقلُ الناسِ همًا و أكثرهم تبسمًا .
يعني ببساطة من ضمن الصبر الجميل :
” ألا تجعل ألم ظرفك يُخرجك عن ظُرفك ”
#Houida El Razaz
