يكتب..حسام هواش
بقول صباح الخير ياخال..ممكن اقعد وأسأل سؤال
وقبل ما أسأل لقيته قال..احكيلى الأول ايه الأحوال
قلت ياخال الوضع مال..قلقان من بكره على العيال
ودوام الحال شئ محال..قالى اقعد ياولدى الوضع عال
اقعد اسمع عن زمان..ايام ما كان مفيش أمان
كانت ايام كلها أحزان..كان الاحتلال أشكال وألوان
وكان الظلم فى كل مكان..وصوت البارود مالى الاركان
تحس ازاى انك انسان ..ووطنك ياولدى كان مهان
ودفعنا تمن الحرية غالى..عشان يرجع وطن غالى
ونرفع علمه فى العالى..وغنوا ورقصوا الأهالى
عشان رجعوا بشر تانى..بجيش الكرامة والأمانى
وحققوا أسمى المعانى..وطن
النهارده مصر فى نعيم..وما ينكر ده الا لئيم
اسمع منى كلام سليم..ربنا ياولدى كتير رحيم
ربنا ياولدى كتير كريم..احمدوه انتوا فى نعيم
وعايشين كمان فى خير عظيم..بس احمدوه
حسام هواش يكتب…صباح الخير ياخال على نهج الابنودى
