عبدالحميدشومان
من غير لف ولا دوران ولا مزايدة لازم كلنا نعمل ثورة وانا معاكو في قلب الثورة وائل غنيم ومحمد علي تعالو نتقابل في الميدان وندعي معانه الشعب ولا جيش ولا شرطه هيواجهونا لأننا احنا الشعب…
احنا الشعب اللي كان بينام من الساعة ٧ عشان مفيش امان لكن دلوقتي هننزل ثوره الساعه ١٢ يارب لحد الفجر مش خايف من إرهابي يثبتني عشان كده لازم نعمل ثورة… هنزل اثور لاني خلاص بقيت عفي وتم علاجي من فيرس سي..
مش هتنازل ولازم اثور وادعي الشعب بكل قواه لازم ينزل يعمل ثوره دلوقتي مش بعد شويه عشان بقى عندنا جيش وله ترتيب عالمي ضمن اكبر قوه عسكريه على مستوى العالم…
مصر كانت متجمدة عضويتها في الاتحاد الافريقي النهاردة مصر هي رئيس الاتحاد الافريقي… والاهم والدافع الحقيقي لقيام ثوره ادعو إليها الان مش الصبح وعندي أسبابي كان احطياطي مصر ١٣َمليار تقريبا النهاردة قربنا نكسر ال٥٠مليار بالذمه مش عندي حق اطالب بثوره؟؟ انزل ياشعب وثور على فكره حقك تنزل وتثور ومحدش هيقولك بتعمل ايه عارف ليه؟؟ لأنك في امان ومش خايف…..
لان الصبح عيشك موجود وشايك وسكرك موجود وعيالك راحين مدارسهم في امان.. كل ده عشان لينا رمز…
رمز بيسمع إهانته بودنه ويشوفها بعنيه على مدار سنين كتير ورغم كده بيكمل شغل بكل إصرار لأجل كل واحد فى البلد مؤيد او معارض.. وانا مازلت أأكد يلا يامصري يا أصيل ننزل نعمل ثوره حب ثورة تأييد لرجل اتحمل سب وتشويه وحملوه ما لا يطاق من اهانه إستلم البلد وماكنش حد يجروء إنه يمشى فى الشارع بعد الساعة ٧ بليل كافح بجيشنا الإرهاب وصمد قدام مخطط شيطانى لدول عظمى بتحركه ودلوقتى بقيت تنزل الشارع الفجر تجيب حاجة ساقعة وسجاير وتقعد تشم هواء..
وتستمتع ب١٠٠مليون صحة.. انزل ياشعب وشارك في مظاهرات وفهم كل اللي حواليك ان مالا يقل عن١١ الف مشروع في خمس سنبن بيستكمل ومافيش ولا مشروع منهم مكتوب بإسمه ولا فيهم حاجة تشير إليه من الأساس كلها مشروعات لخدمة الناس وبتوفر عليهم ملايين…. لازم ننزل الميادين انا والناس الغلابه سكان العشوائبان بكل جرأة عشان يشوفو حل المشكلة من جذورها ويمحى العشوائيات من على الأرض.
عارفين بدعيكم نثور ليه-؟؟ لان الراجل ده إستلم البلد وتقريباً معظم دول الغرب بتشتمه وقاطعة العلاقات أو التعاون مع مصر النهاردة بقوا هما إلى بيجروا ورا مصر وبيدعوها فى أكبر وأضخم المحافل والمؤتمرات العالمية – الراجل ده إستلم البلد وهيا عليها 6.3 مليار دولار مستحقات ومديونيات لشركات البترول الأجنبية وسدد ما تعادل قيمته حتى الآن 5.3 مليار دولار ويتبقى 1 مليار دولار فقط دون أن يشعر أحد – الراجل ده بيواجهه بصفته وشخصه أضخم تنظيم سرى عالمى على مستوى كوكب الأرض تقريباً لوحده دون زعماء العالم كلهم حتى زعماء الدول العربية – الراجل ده شخص شريف وعظيم ومحترم وبيشتغل تقريباً 24 / 24 ساعة وعمره ما إشتكى ولا طلع يقول أنا تعبان ومش قادر – الراجل ده مش محتاج منك تأييد شخصى ولا عايز منك تطلع تهلل وتطبل مطلوب منك بس إنك تخاف على بلدك وتبقى متأكد إنه الثقة الى شوفتها فيه فى محلها….
الحقيقه كلنا هننزل ونقول لهذا الرجل نحبك..
نقول لهذا الرجل تحيا مصر تحيا مصر تحيا مصر عن الرئيس #عبدالفتاح_السيسي اتكلم.
