كتب/ سعيد بلبوش
نفسى ياريس تزور المدارس
حتشوف العجايب بعين الفوارس ايشى مزوغ وايشى مريح والتالت مجالس
نفسى ياريس اهتمام بالتعليم
وتكتر زيارتك فى الوقت الصميم
الساعه ماجاتش حقيقى تلاته
لكن كله روح… وامضه فى السليم
نفسى ياريس تتابع يوماتى
وانا بح صوتى فى صحه وتعليم
اربع فصول فى الحوش والحديقه
من غير مدرس صديق او صديقه
والصحه ياريس كمان فى الملاهى
وكل اللى عاوز يكشف يجيب
علاج او سرنجه شكاكه او غيار
علاج الحكومه بيروح للحبايب
وفقيرنا ياريس مش لاقى طبيب
لانه بيحضر يوماتى حداشر
والاخت تمضى والتانيه تباشر
وفترة المساء مفيش اطباء
على الرغم ياريس بتقبض عليها
ودكتورة ياريس لكن الحقيقه
لا تعرف تداوى ولا ليها طريقه
اهم حاجه تمضى و غيرها يسد
وكل الناس هناك….. يامعا ياضد
والدروس ياباشا يتوكل بوغاشا
والضمير …دا ……غااااااااايب
وكله فى الفلاااااااااااااااااااااشه
عاوزين ..تطهير ياريس كلنا وراك
اضرب انته بس والشعب كله معاك
نسيت كمان يااااااااااااااااااريس
نشتيكلك الاسكاااااااااااااااااااااان
خللى بلدنا خراب من كثرة السيبان
تراخيص الكبير …..عدى يااااامير
والغلبان ياريس يحبسوه فى زير
لف كمان ياريس شوف المخالفات
بقالها زمان ياريس ماشيه بالالوفات
عارفين انك نزيه وعارفين انك نبيه
واوعه لحدتصدق اوتسمع كلام سفيه
شوف انته بنفسك الحرامى والنزيه
بلدنا بايدك حتنضف وحتبقى تمام
عارفين انك شجاع وعارفين انك تمام
كفر بولين بيك ترحب تضرب السلام
بقالنا سنين بنحلم بريس من الاحلام
