بقلم…إنتصار حسين
…..
وبإيدي قطَّعت وريدي
وبإيدي هانهِي الأحزان
وبإيدي هاخلق يوم عِيدى
وبإيدي هتحدىَ الأيام
وهعيشها منغير أحزان
…….
وبإيدي هتبدل
ولكل أمالي راح أعًدِل
و لا تاني.هارجع
نفس الإنسان
ولا هبكي ولا هشكي
ولا هسرح من حَكيي
ولاتاني هَدي الأمان
طول م الجرح جوة قلوبنا
هيفيد إيه يعرفهُ إنسان
خليه جوانا وكمان
هنحاوطة بكل الكتمان
ولايوم يعرف أحزانا
حد و يطلع يوم شمتان
يِظهِر إنه بيخفِف عنا
واتاريه جواه مننا زهقان
……..
وبإيدي هعيشني إنسان
ولو بالوهم.. لكن طمعان
اعيشها ولا اكون ندمان
وبإيدي هنسي اني
عايش للفرح دايما مستني
وبإيدي هنسي الخِذلان
وهعيشها من غير أحلام
ولافرحة هسيبها تروح مني
ولاحزن هيصحي اللي كان
….وبإيدي هعيشني إنسان
