إنتصار محمد حسين… تكتب… لمعة عيونك حكاوي

kaled01

بقلم/ انتصار محمد حسين
……
جوة عيونك لمعة

عايزة تحكي

شايلة معاها دمعة

وخايفة تبكي

وفي نظرة حادة

شايفة سِكتها

ومعاها هِمة جادة

وعارفة آخرتها
…….
…..
وجواك صمت مليان كلام

جواك حكاية مليانة غرام

جواك دنياك عايشها مَلِك.

وثابتة خَطاك

ودنيتك عاجباك

راضي بكل مافيها

ومصاحب شكواك

أصل الحكاية والخلاصة

إنك…… إنسان

وعايشها بنزعة الفنان

أوركسترا هي دنيتك

بإيدك ماسك عصاية فرقتك

عمال تشاور ع الطريق

واتمهد لنفسك كل ملامحه

عارف شكله وحافظ ملامحه

وماشي فيه بلا رفيق

وعارف هدفك ولابد توصل لآخره

facebookShare on Facebook
TwitterPost on X
FollowFollow us
PinterestSave

Related posts

Leave a Comment