إنتصار حسين تكتب… مذكرات …جريح

kaled01

 بقلم انتصار حسين

عارف……
…….
:لما تبقى في عز جرحك

وتلاقي نفسك واقف لوحدك

والدنيا حواليك فاضية

وكأنك على الدنيا ضيف تقيل

وهي لضيافتك مش راضية

وعمال بالبكي تنوح

اصلك ضعيف ومليان جروح
………
ولا تلاقي إيد عليك تطبطب
……
وتحس إنك وحيد
…….
ولاحد لجرحك يطيب
……
عارف:

أصعب إحساس.
…….

إنك تكون وسط الزحمة وحيد

وكأنك هوا متلمسوش إيد

ووسط الدوامة دي

تلاقي إيد حنينة عليك تطبطب

وبكلامها الحلو لجورحك تطيب

وترتاح للمسة الإيد

ويتغير حالك وتصبح سعيد

وتتعود عليها وتتطمن ليها

ومعاها تحس بالأمل الجديد

ومن فرحتك تحس انك إنسان
جديد
وطموحك بيعلى ويزيد

واحلامك الحلوة بنورها

تهل عليك وتقيد

ساعتها كل شيء يهون

ولو كل الأيادي

بالأسى تتمد

يكفيك إنك بتسعد

ومن الحنية

سعيد ومش مهموم

لكن لافرح بيدوم

ولاجرح بيدوم

وفي عز نشوتك

الإيد الحنينه …سابتك

وزهقت من كتر التمثيل

وحبت تجرب

وتمارس على غيرك التضليل

عارف:
…………
ساعتها تحس بإيه

……
كأنك فار تجارب

الناس تجرب فيه

تجرحه وتكويه

وملهوش عند حد دية

أصله لو يعز عليهم

كانوا عملوله أهمية
………..بقلمي ..(مذكرات جريح)

facebookShare on Facebook
TwitterPost on X
FollowFollow us
PinterestSave

Related posts

Leave a Comment