بقلم السعيد الحديدي
سواق التوكتوك
يابتاع التوك توك لو تعرف
اللى بتعملو فينا دا كتير
يا بتاع التوك توك خد بالك
فعلك غير انسانى وخطير
كن متأكد .. انتا حسابك
عند المولى عظيم وعسير
علشان انتا . دايما ماشى
صوتك عالى صعب خطير
ماشى بسرعة كلكسك عالى
من غير داعى . أو تبرير
التسجيل والديسكو بيقلق
إللى فى سابع نومه بسرير
أطفال نايمة و حتى مريض
من صوتك أعصابها تثير
ترضا أبوك ولا ابنك . يبقا
من صوتك عيشته ف تكدير
عكس الطريق ممكن تمشى
فقدت عقلك .. ولا ضرير؟
خلى عندك زوق فى سواقتك
وامشى هادى .. كدا وأمير
خليك مهذب . فى سواقتك
وخلى فيه … عقل وتفكير
امشى يابنى .. بعقل وهونا
خليك هادى . وبأدب سير
هوا انتا تطلع ايه بالتوك توك
فى الملاكى .. أو نقل كبير
يعنى يا ابنى . خدلك راجع
بدال ما جوه السجن تصير
وانا اشتكيك .. وتروح فيها
فى الزنزانة هتنام ف حصير
احسنلك اعقل فى سواقتك
وخلى فيه .. عقل وتفكير
… خلى فيه عقل وتفكير
*****************
. (( السعيد الحديدى ))
