بقلم/احمد صبري
–
شايف طشاش مجهول
في ماضي احلامي
خيال وبال مشغول
على شط ايامي
اكتب كلام معسول
من وحي إلهامي
ولا الاصول بتقول
اضحك على كلامي
–
كنت صغير بحلم اكبر
فاكر الدنيا على هوايا
كنت بفكر ان انا اقدر
اسعد اهلي بغنوايا
كان جوايا حلم إتكسر
والغربة يتجري ورايا
اتاري الحزن متقدر
والفرحة بتعادي خطايا
–
صعبان عليا إبني
كان نفسي اْبني ليه
على بكره لو يساْلني
مش عارف اقوله ايه
بيورث الفقر مني
من بكره خايف عليه
وربنا اللي عالمني
بعد ماعام الجنيه
–
ومين يقدر يعيش
اكتر من حياته
طلائع الحرافيش
جيل بيشيل اهاته
وف الظلام خفافيش
تخطف طيبة نظراته
وتبقى كلمة مافيش
نصيبه ويا اخواته
شايف طشاش
