بقلم/ محمد صبري قرطام
الخمس دول هما من أعظم ما انحبت مصر …. خمس أطباء من أنبل ما أنجبت جمهورية مصر العربية من علم وتواضع ورحمة بالمساكين اللي مش لاقيين حق العلاج….. وعلى الرغم من إختلاف الديانات السماوية إلا إنهم إتفقوا على حاجه واحدة إسمها الإنسانية….
١_ العالم الجليل وملاك الرحمة الدكتور مجدي يعقوب أعظم طبيب وجراح قلب في العالم…. اللي بكل علمه كرس حياته لخدمة أهل مصر بالمجان بدون النظر إلى لون أو دين أو جنس أو عرق…. عمل أكبر مركز في العالم لعلاج القلب في أسوان بالمجان…..
٢_ العالم والدكتور هاني الناظر… وللي مايعرفش مين هو هاني الناظر…. هاني الناظر واحد من أنبغ علماء الأمراض الجلدية في مصر والشرق الأوسط…. شغل منصب رئيس المركز القومي للبحوث…. الدكتور هاني الناظر بيكشف على الغير قادرين بالمجان…. ولو لم تتاح الفرصة إن المريض يزور العيادة بيبعت للدكتور هاني صورة الحالة في كومنت على الفيس بوك والدكتور هاني يشخص الحالة ويصرفله العلاج كإنه في العيادة تمام…. وعنده إستعداد يرد على مئات الكومنتات بشكل إسبوعي…. لدرجة إنه كتب على الفيس بوك قبل كدة ليه تجيلي العيادة وتكلف نفسك مصاريف لما ممكن تبعتلي الحالة عالفيس وأشخصهالك بالمجان…..
٣_ العالم والدكتور حسين خيري…. نقيب أطباء جمهورية مصر العربية…. وذي مابيسموه كدة (#راهب_القصر_العيني)…. والعميد الأسبق لكلية الطب جامعة القاهرة…. لا يمتلك عيادة…. مكرس حياته وجهده لخدمة كافة الحالات اللي بتدخل مستشفى القصر العيني…. كم العمليات اللي بيجريها يومياً غير طبيعي…. مافكرش إنه يعمل عيادة أد مافكر يعيش يخدم الناس البسطاء اللي بيروحوا يكشفوا في القصر…..
٤_ العالم والدكتور محمد مشالي طبيب الأطفال…. مايغركش شكله في الصورة…. إنت لو عرفت إن الدكتور مشالي بيكشف ب 10 جنية بس على الناس في طنطا هاتستغرب…. وهاتستغرب أكتر لو عرفت إن الغير قادر بيكشف ببلاش وهو بيديله العلاج من عنده على حسابه…. الناس في طنطا مسمينه دكتور الغلابة…. العيادة من الصباح حتى المساء شغالة بدون توقف حتى بعد ما بلغ من العمر 80 سنة….. نسي نفسه ونسي شكله ونسي يلبس حلو علشان يساعد فقراء مدينته اللي عايش فيها……
٥- أ .د حسام موافي أستاذ طب الحالات الحرجة بالقصر العيني
رائد الطب الباطني في مصر و الشرق الأوسط
من أكثر الشخصيات اللي تتحب بمجرد أنه يتكلم بس من شده تواضعه و أخلاقه
و علشان كده بيلقب ب دكتور جابر الخواطر لانه مفيش حد من المرضي اللي بيشوفهم الا لما يجبر بخاطرهم
خمس نماذج يستحقوا إني أقول عنهم إنهم وزراء الانسانيه في العالم خمس نماذج بيقدموا الخير بدون ماينظروا هو رايح لمين…. بيتعاملوا مع الله مباشرةً في خدمة الفقراء والمحتاجين…. نماذج نبيلة تستحق إن الدولة تكرمها وتجلها…..
أطباء_الرحمة_والانساني
