كتب /عبدالرحمن الغنيمى
استغاث فنى بشركة ايديال استاندر بمحافظ الشرقية ووكيل وزارة القوى العاملة واضاف قائلا شرحا لشكواه اعمل فى شركه ايديال استاندر بالعاشر من رمضان منذ اكثر من 8 سنوات وحتى اصابة العمل بسبب واثناء العمل داخل الشركة منذ سبعة اشهر خدونى بصحتى ورمونى بعاهه مستديمه وتزوير فى الإجازات المرضية ومعى ما يثبت ذلك وعدم تسجيل الإجازات فى التأمينات وأشياء كثيرة تحدث داخل الشركه
شركه ايديال استاندر تحديدا استاذ احمد موسي رئيس شؤن العاملين بالشركه بعد مشقه وتعب اكثر من 8 سنوات وأصابه عمل كسر بمفصل الفقره الخامسه وتزحلق فقارى نتيجه الاحمال الثقيله والمواد الكيميائيه و حضرتك عاوز تمضينى اجبارى على أوراق انا معرفش عنها حاجه واستقاله وقولت عليا مفيش حد بيحبك فى المصنع كله وده طبعا كذب والحمد لله انا عارف نفسي مابزعلش حد منى وتقدر تسال العمال والمشرفين ماعدا اتنين منافقين بيجبولك اسرار العمال اكيد انت عارفهم كويس وهما عارفين نفسهم لما كنت شغال بصحتى والحمد لله كنت اول واحد بتقول عليا محترم وبتاع شغل وعمرك ماجتلى فى شكوى أو حد بيشتكى منك بعد اصابه العمل اللى حصلتلى داخل الشركه كنت تعبت ومش قادر اشتغل كنت قبل ماروح الشغل لازم اخد حقن وبرشام مسكن اللى دكتور الشركه اللى كان بيكتبه علشان اعرف اشتغل علشان المعيشه وفى الاخر لما مبقدرشي اشتغل اكثر من ساعه واقف على رجلى بسبب العجز اللى الشركه عملته تقول انت مش بتاع شغل انت عاوز تخش من بوابه المصنع تقعد مكانى انت الشركه صرفت عليك اكتر ماتستحق وفى الاخر بعد ما قولت اخد حقى بالقانون من المحكمه عاوز تلفقلى تهمه طيب التهمه اللى انت بتالفها من دماغك دى انا عملتها وانا فى البيت ولا ايه بالظبط ودكتور الشركه اللى حضراتكم بتامرو فى تخصصه والاجازه المرضيه اللي مش بتسجلوها فى التأمينات علشان اللى عاوزين تفصلوه بتفصلوه وعملتو كده مع عمال كتير ولما تعرض عامل على لجنه انت اللى بتكتب الإجازات اللى هاتروح اللجنه علشان تقول العامل بيشتغل وما بيخدش اجازه مرضى علشان اللجنه ترجعه العمل تانى زى ما عملت معايا كده تقولى اقعد فى البيت لما تقدر تشتغل ابقى تعاله طيب حضرتك ورقه تثبت انى اجازه تقولى مفيش ورق انت اجازه من غير ورق طيب بالله عليكم اروح فين باولادى واسرتى
لذلك التمس من
معاليكم التدخل مع الشركة لحصولى على حقى قانونا
مقدمه لسيادتكم
سعيد عبدالحكيم غريب
ميت ربيعه مركز بلبيس
